ክሳዕ መኣዝ ኢኻ እትሕባእ?
ነቲ መራሕ ሙዚቃ። መዝሙር ዳዊት።
ዳዊት ኣርባዕተ ግዜ ክሳዕ መኣዝ ኢሉ ይሓትት፦ ክሳዕ መኣዝ ዝርሳዕ፥ ክሳዕ መኣዝ ዝሕባእ ካባይ፥ ክሳዕ መኣዝ ሓዘን ዝፆር፥ ክሳዕ መኣዝ ፀላኢ ኣብ ልዕለይ ዝዕወት። ኣብ ኵነታቱ ዝልወጥ የለን። እቲ መዝሙር ብዝኾነ ናብ ፍቕሪ ኣቦኡ ይጥምዘዝ፥ ብዛዕባ እቲ ዝተቐበሎ ሰናይ ድማ እናዘመረ ይዛዝም።
ምዕራፍ 13።
13 1ኦ ኣቦ፥ ክሳዕ መኣዝ ኢኻ እትርስዓኒ? ንዘለኣለም ድዩ? ገፅካ ካባይ ክሳዕ መኣዝ ኢኻ እትሰውር?
2ክሳዕ መኣዝ ኢየ ምስ ሓሳበይ ዝቃለስ፥ ኣብ ልበይ ከዓ ምሉእ መዓልቲ ሓዘን ዝፆር? ፀላእየይ ክሳዕ መኣዝ እዩ ኣብ ልዕለይ ዝዕወት? 3ኦ ኣቦ፥ ጠምተኒ መልሰለይ ድማ፤ ንኣዒንተይ ኣብርሃለን፥ እንተ ዘይኮይኑ ናይ ሞት ድቃስ ክድቅስ እየ።
4ፀላእየይ ከዓ “ስዒረዮ” ክብል እዩ፤ ተፃረርተይ ድማ ምስ ወደቕኩ ክሕጐሱ እዮም። 5ኣነ ግና ብምሕረትካ ተኣሚነ እየ፤ ልበይ ድማ ብምድሓንካ ክሕጐስ እዩ። 6ንኣቦ ክዝምረሉ እየ፥ ብዙሕ ሰናይ ገይሩለይ እዩ እሞ።
