Natay ni Saul ken dagiti Annakna iti Gubat

Dakes ti panagturong ti gubat idiay Gilboa. Napapatay ni Jonatan ken dagiti kakabsatna, nasugatan ni Saul kadagiti pumapana, ket saan a kayat ti agaw-awit iti igamna a gibusen isuna, isu a nagpadso iti bukodna a kampilan. Inlansa dagiti Filisteo ti bangkayna iti pader; inyulog dayta dagiti tattao ti Jabes-galaad.

Kapitulo 31.

Nakigubat dagiti Filisteo iti Israel; nagtalaw dagiti lallaki ti Israel kadakuada ket natayda a nagpugpugto idiay Bantay Gilboa. Naabutan dagiti Filisteo ni Saul ken dagiti annakna, ket pinatay dagiti Filisteo da Jonatan, Abinadab, ken Malkisua, a ni annak ni Saul. Nagrigat unay ti gubat a maibusor ken ni Saul. Nasarakan ni Saul dagiti managpana, ket nasken a nasugatan babaen kadakuada. Kinuna ni Saul iti mangmangala iti armasna, “Guyodem ti kampilanmo ket ibaonmo kaniak, ta no saan, umay dagitoy a di nakugit a tattao, ibaonda kaniak, ken pasakitenda ak.” Ngem saan a pimmayag ti mangmangala iti armasna, ta nagbuteng unay. Gapuna innala ni Saul ti bukodna a kampilan ket intupakna ti bagina iti dayta. Idi nakita ti mangmangala iti armasna a natayen ni Saul, intupakna met ti bagina iti kampilanna ket natay a kaduana. Kasta a natay ni Saul iti dayta nga aldaw, a kaduana dagiti tallo nga annakna, ti mangmangala iti armasna, ken amin a tattaona.

Idi nakita dagiti lallaki ti Israel iti sabali a bangir ti tanap ken iti sabali a bangir ti Jordan a nagtalawen ti buyot ti Israel ken natayen ni Saul ken dagiti annakna, binaybay-anda dagiti ilida ket nagtalawda. Immay dagiti Filisteo ket nagnaedda kadakuada. Iti simmaruno nga aldaw, immay dagiti Filisteo tapno ukagenda dagiti natay ket nasarakanda ni Saul ken dagiti tallo nga annakna a nakaparagmak idiay Bantay Gilboa. Pinukisda ti ulona, inukagda dagiti armasna, ket nangibaonda kadagiti mensahero iti intero a Filistia tapno ibagada daytoy kadagiti templo dagiti didiosenda ken kadagiti tattao. Insaadda dagiti armasna iti templo ni Astoret ket pinakpakuanda ti bangkayna iti pader ti Bet-san. ^a

Idi nangngeg dagiti agnanaed iti Jabes-Galaad ti inaramid dagiti Filisteo ken ni Saul, nagtakderen amin a mannakigubatda ket nagnaganda iti rabii, innalada ti bangkay ni Saul ken dagiti bangkay dagiti annakna manipud iti pader ti Bet-san, impanda idiay Jabes, ket sinungganda sadiay. Innalada dagiti buendayda, intabunda iti irba ti tamarisko idiay Jabes, ket nagayunarda iti pito nga aldaw.