ائسرایئلی ائمتاحان اتمک اوچون قالان مئلّتلر
ائسرایئلئن قولاق آساجاغینی ائمتاحان اتمک اوچون مئلّتلر تورپاقدا ساخلانیر. ائسرایئل آتاسینی یادّان چیخاراندا، عوتنی‌اِل قالدیریلانا قدر کوشان-رئشعاتایئم سکّئز ائل حؤکمرانلیق ادر. سونرا سولاخای اِهود صاغ بودوندا بئر قیلینج گئزله‌دئر، کؤک پادشاه اِگلونو یوخاری اوتاغیندا اؤلدورور و قاپینی باغلاییر.
3 1آتامیز ائسرایئلی ائمتاحان اتمک اوچون بو مئلّتلری ساخلادی؛ یعنی کَنَعان موحارئبه‌لرئندن هچ بئرئنی گؤرمه‌یَن هر کس. 2(بونو فقط اونون اوچون اتدی کی، اوّلجه موحارئبه‌دن خبری اولمایان ائسرایئل نسئل‌لری اونو اؤیرنسئنلر.) 3بو مئلّتلر بونلاردیر: فئلئسطلی‌لرئن بش حؤکمداری، بوتون کَنَعانلی‌لار، صئدونلولار و لوبنان داغلاریندا یاشایان خئولی‌لر، بَعَل-خِرمون داغیندان لِبو-خَمات کِچئدئنه قدر. 4بونلار ائسرایئلی ائمتاحان اتمک اوچون ساخلانمیشدیلار کی، گؤرسونلر آیا ائسرایئل موسانین واسئطه‌سی‌ائله اجدادلارینا ورئلن آتامیزین امرلرئنه اطاعت اده‌جکلر یا یوخ. 5بونا گؤره ائسرایئل اؤولادلاری کَنَعانلی‌لارین، خئتلی‌لرئن، اِمورلولارین، پِرئزلی‌لرئن، خئولی‌لرئن و یِبوسلولارین آراسیندا مسکن سالدیلار. 6بو خالقلارین قیزلاری‌ائله اِولَنئب، اؤز قیزلارینی ده اونلارین اوغوللارینا اَره وردئلر و بوتلرئنه قوللوق اتدئلر.
آتا عوتنی‌اِلی قالدیریر
7ائسرایئل آتامیزین گؤزونده پئس اولان ائشلر گؤردو، آتاسینی یاددان چیخاردی و بَعَل و اَشِرا بوتلرئنه قوللوق اتدی. 8اونا گؤره آتامیزین قضبی ائسرایئله قارشی آلوولاندی؛ اونلاری اَرام-نَخه‌رایئم پادشاهی کوشان-رئشعاتایئمه ساتدی و ائسرایئل سکّئز ائل اونا قوللوق اتدی. 9ائسرایئل اؤولادلاری آتامیزا فریاد ادنده، اونلارا بئر قورتاریجی قالدیردی - کالئبئن کئچئک قارداشی قِنازین اوغلو عوتنی‌اِل - کی، اونلاری قورتاردی. 10آتامیزین روحو اونون اوستونه گلدی و او، ائسرایئله حاکئملئک اتدی. دؤیوشه چیخدی و آتامیز اَرام پادشاهی کوشان-رئشعاتایئمی اونون الئنه تسلئم اتدی و اونون الی کوشان-رئشعاتایئمه قالئب گلدی. 11اوندان سونرا قِنازین اوغلو عوتنی‌اِل اؤلَنه قدر اؤلکه قیرخ ائل دئنجلئک تاپدی.
آتا اِهودو قالدیریر
12ائسرایئل اؤولادلاری گئنه ده آتامیزین گؤزونده پئس اولان ائشلر گؤردولر و بو پئسلئیی اتدئکلرئنه گؤره، آتامیز موآب پادشاهی عِگلونو ائسرایئله قارشی قووّتلَندئردی. 13عِگلون عَمّونلولاری و عَمالِقلی‌لری ییغدی، گدئب ائسرایئلی ووردو و اونلار خورما شهرئنی توتدولار. 14ائسرایئل اؤولادلاری اون سکّئز ائل موآب پادشاهی عِگلونا قوللوق اتدئلر. 15ائسرایئل اؤولادلاری گئنه آتامیزا فریاد اتدئلر؛ اونلارا بئر قورتاریجی، سول‌اَللی بئر بِنیامئنلی اولان گِرا اوغلو اِهودو قالدیردی. اونون واسئطه‌سی‌ائله موآب پادشاهی عِگلونا ورگی گؤندَردئلر. 16اِهود اؤزو اوچون ائکی آغیزلی بئر قیلینج دوزَلتدی کی، اوزونلوغو تقرئبن بئر قول‌آچ اولدو؛ اونو اؤز پالتاری آلتیندا، صاغ بودونون اوستونه باغلادی. 17ورگئنی موآب پادشاهی عِگلونا تقدئم اتدی؛ عِگلون چوخ کؤک بئر آدام ائدی. 18اِهود ورگئنی تقدئم اتمکدن قورتاراندا، اونو داشییان آداملاری یولا سالدی. 19گئلگالین یاخینلیغیندا اولان بوتلرئن یانیندان گری قاییتدی و ددی: «ای پادشاه، سنئن اوچون گئزلی بئر خبرئم وار.» پادشاه ددی: «ساکئت اول!» و بوتون قوللوقچولاری اونون یانیندان چیخدیلار.
20اِهود اونا یاخینلاشدی؛ او، اؤز سَرئن یوخاری اوتاغیندا تک اوتورموشدو. اِهود ددی: «سنئن اوچون تاریدان بئر سؤزوم وار.» پادشاه اؤز تختئندن قالخدی. 21اِهود سول الئنی اوزاتدی، قیلینجی صاغ بودوندان گؤتوردو و اونو عِگلون پادشاهین قارنینا باتیردی. 22قیلینجین آغزی‌ائله بئرلئکده دسته‌سی ده ائچه‌ری گئردی و پئی اونون اوستونو اؤرتدو. اِهود قیلینجی اونون قارنیندان چیخارتمادی، اونا گؤره باغیرساقلاری اشئیه تؤکولدو. 23اِهود ایوانا چیخدی، آرخاسیندان یوخاری اوتاغین قاپیلارینی اؤرتدو و اونلاری قئفیللَدی.
24او گدندن سونرا، قوللاری گلئب یوخاری اوتاغین قاپیلارینی قئفیلّی گؤردولر و ددئلر: «یقئن کی، سَرئن اوتاقدا آیاق‌یولونا گدئب.» 25اونلار اوتانانا قدر گؤزله‌دئلر، آمّا او حله ده یوخاری اوتاغین قاپیلارینی آچمامیشدی. بله‌جه آچارینی گؤتوروب قاپیلاری آچدیلار و آغالارینی یره دوشموش، اؤلو گؤردولر.
26اونلار یوبانان آرادا، اِهود قاچیب قورتولدو. او، بوتلرئن یانیندان کچئب سِعئراتا قاچدی. 27چاتاندا، اِفرایئمئن داغلاریندا کَره‌نای چالدی و ائسرایئل اؤولادلاری اونونلا بئرلئکده داغلیقدان اِندئلر، اِهود ده اونلارین قاباغیندا گدئردی. 28ددی: «منئم دالیمجا گلئن، چونکی آتامیز دوشمنلرئنئز موآبلی‌لاری سئزئن اَلئنئزه وردی.» اونون دالینجا اِندئلر، موآبین موقابئلئنده‌کی اوردون چایینین کچئدلرئنی توتدولار و هچ کسی کچمه‌یه قویمادیلار. 29او واخت تقرئبن اون مئن موآبلی آدام قیردیلار، هامیسی گوجلو، قووّتلی کئشئلر ائدی؛ بئری ده قاچیب قورتولمادی. 30بله‌جه او گون موآب ائسرایئلئن الی آلتیندا تابع اولدو و اؤلکه هشتاد ائل دئنجلئک تاپدی.
31اوندان سونرا عَنات اوغلو شَمگَر گلدی. او، بئر اؤکوز دَیَنه‌یی‌ائله آلتی یوز فئلئسطلئنی اؤلدوردو و او دا ائسرایئلی قورتاردی.
