ائبراهئم گِراردا
ائبراهئم گئنه سارانی باجیسی آدلاندیریر، و اَبئمِلِک اونو آپاریر. آتامیز، پادشاه اونا توخونمازدان اوّل، اونو یوخودا خبردار ادئر، و اَبئمِلِک اؤز گوناهسیزلیغینی مودافئعه ادئر. ائبراهئم ائعتئراف ادئر کی، او سادجه گومان ادئب بورادا هچ کس آتامیزدان قورخمور.
20 1ائبراهئم اورادان نِگِبه ساری کؤچوب، قِدِشله شورون آراسیندا یرله‌شدی و گِراردا قرئب کئمی یاشادی. 2ائبراهئم آروادی سارا باره‌ده ددی: «او منئم باجیمدیر.» اونا گؤره گِرار پادشاهی اَبئمِلِک آدام گؤندَ‌رئب سارانی آپاردی.
3آمّا آتامیز او گجه یوخودا اَبئمِلِکئن یانینا گلئب ددی: «آپاردیغین آرواددان اؤتری سن اؤلموش کئمی‌سن، چونکی او اَرلی بئر آرواددیر.»
4اَبئمِلِک حله اونا یاخینلاشمامیشدی. ددی: «ای حاکئم تاری، مگر گوناهسیز بئر مئلّتی ده محو اده‌جکسن؟ 5مگر اؤزو منه دیمه‌دی کی، ”او منئم باجیمدیر؟“ آرواد اؤزو ده ددی: ”او منئم قارداشیمدیر.“ من بونو صاف اورَکله و گوناهسیز اَللرله اتدئم.»
6اوندا آتامیز یوخودا اونا ددی: «بلی، بئلئرم کی، بونو صاف اورَکله اتدئن و من ده سنی منئم ضئدّئمه گوناه اتمکدن ساخلادیم؛ اونا گؤره قویمادیم کی، اونا توخوناسان. 7ائندی او آدامین آروادینی قایتار، چونکی او بئر پیغمبردئر و سنئن اوچون دوعا اده‌جک و سن یاشایاجاقسان. آمّا اگر اونو قایتارماسان، بئل کی، حتمن اؤله‌جکسن، سن و بوتون سنئنکی‌لر.»
8اَبئمِلِک سحر اِرکَن قالخیب بوتون نؤکرلرئنی چاغیردی و باش ورن بوتون شیلری اونلارا ددی؛ بو آداملار برک قورخدولار. 9سونرا اَبئمِلِک ائبراهئمی چاغیریب اوندان سوروشدو: «سن بئزه نه اتدئن؟ من سنه نه گوناه اتمئشم کی، منئم و پادشاهلیغیمین اوستونه بله بؤیوک بئر گوناه گتئردئن؟ سن منه اصلا اولونمایاجاق بئر ائش اتدئن.» 10اَبئمِلِک گئنه ائبراهئمه ددی: «نه فئکئرله بله بئر ائش اتدئن؟»
11ائبراهئم ددی: «دوشوندوم کی، حتمن بورادا آتامیزین قورخوسو یوخدور و آروادیمدان اؤتری منی اؤلدوره‌جکلر. 12ساوایی بوندان، او دوغرودان دا منئم باجیمدیر، آتامین قیزی، آمّا آنامین قیزی دیئل؛ و او منه آرواد اولدو.
13آتامیز منی آتامین اِوئندن آوارا اتدئیی واخت، اونا ددئم: منه بو یاخشیلیغی گؤرسد؛ هارایا گِتسَک، منئم باره‌مده دِه کی، ”او منئم قارداشیمدیر.“»
14اَبئمِلِک قویون، مال-حیوان، قول و کنئزلر گؤتوروب ائبراهئمه وردی و آروادی سارانی اونا قایتاردی. 15اَبئمِلِک ددی: «منئم تورپاغیم سنئن ائختئیارینداددیر؛ هارادا ایسته‌سن، اورادا ساکئن اول.» 16و سارایا ددی: «باخ، قارداشینا مئن پارچا گوموش ورئرم. بو، سنئنله اولانلارین هامیسینین گؤزونده سنه اولونان حاقسیزلیغی اؤرتمَک اوچوندور؛ هامینین قاباغیندا سن تامامن بَرائت تاپیبسان.»
17ائبراهئم آتامیزا دوعا اتدی و او، اَبئمِلِکی، آروادینی و کنئزلرئنی صاغالتدی، اِله کی، گئنه اوشاق دوغا بئلسئنلر، 18چونکی آتامیز، ائبراهئمئن آروادی سارادان اؤتری، اَبئمِلِکئن اِوئنده‌کی هر بطنی تامامن باغلامیشدی.
