መዝሙር 42

42 ¹ዋላ የውሃ ምንጭን እንደምትናፍቅ፣ እንዲሁ ነፍሴ አንተን ትናፍቃለች፣ አባቴ።

²ነፍሴ አባቴን ትጠማለች፣ ሕያውን አባት ትጠማለች። መቼ መጥቼ በፊቱ እቀርባለሁ? ³እንባዬ ቀንና ሌሊት ምግቤ ሆኖአል፤ ቀኑን ሙሉ፣ “አምላክህ የት አለ?” እያሉኝ ነው።

⁴ነፍሴን ሳፈስስ እነዚህን ነገሮች አስባለሁ፤ ከሕዝቡ ብዛት ጋር እንዴት እሄድ እንደ ነበር፣ በደስታ ጩኸትና በምስጋና መዝሙር በዓል ከሚያከብር ታላቅ ሕዝብ ጋር በሰልፍ ወደ አባታችን ቤት እንዴት እመራቸው እንደ ነበር።

⁵ነፍሴ ሆይ፣ ለምን ትተክዣለሽ? በውስጤስ ለምን ትታወኪያለሽ? አባታችንን ተስፋ አድርጊ፤ መድኃኒቴንና አባቴን ዳግመኛ አመሰግነዋለሁና።

⁶አባቴ ሆይ፣ ነፍሴ በውስጤ ተክዛለች፤ ስለዚህ ከዮርዳኖስና ከአርሞን ምድር፣ ከሚጻር ተራራ አስብሃለሁ።

⁷ጥልቅ በፏፏቴህ ድምፅ ጥልቅን ይጠራል፤ ሞገዶችህና ማዕበሎችህ ሁሉ በላዬ አለፉ። ⁸ቀን አባታችን የኪዳኑን ፍቅር ያዝዛል፤ ሌሊትም መዝሙሩ ከእኔ ጋር ነው፤ ለሕይወቴ አባት የሚቀርብ ጸሎት።

⁹ዐለቴ ለሆነው ለአባቴ እንዲህ እላለሁ፤ “ለምን ረሳኸኝ? በጠላት ጭቆና ምክንያት እያዘንኩ ለምን እዞራለሁ?” ¹⁰በዐጥንቶቼ ውስጥ እንደ ገዳይ ቍስል፣ ባላጋራዎቼ ይሳለቁብኛል፤ ቀኑን ሙሉ፣ “አምላክህ የት አለ?” እያሉኝ።

¹¹ነፍሴ ሆይ፣ ለምን ትተክዣለሽ? በውስጤስ ለምን ትታወኪያለሽ? አባታችንን ተስፋ አድርጊ፤ መድኃኒቴንና አባቴን ዳግመኛ አመሰግነዋለሁና።