መዝሙር 41

41 ¹ረዳት የሌለውን የሚያስብ ብፁዕ ነው፤ አባታችን በመከራ ቀን ያድነዋል። ²አባታችን ይጠብቀዋል በሕይወትም ያቆየዋል፤ በምድር ላይ ብፁዕ ተብሎ ይጠራል። ለጠላቶቹ ፈቃድ አሳልፈህ አትሰጠውም። ³አባታችን በደዌው አልጋ ላይ ይደግፈዋል፤ በበሽታው ጊዜ ወደ ፍጹም ጤና ትመልሰዋለህ።

⁴እኔ ግን፣ “አባቴ ሆይ፤ ማረኝ፤ አንተን በድያለሁና ፈውሰኝ” አልሁ። ⁵ጠላቶቼ ስለ እኔ ክፉ ይናገራሉ፤ “መቼ ይሞታል? ስሙስ መቼ ይጠፋል?” ⁶ሊጠይቀኝ የሚመጣ ከንቱ ነገር ይናገራል፤ በልቡ ግን ሐሜትን ያከማቻል፤ ከዚያም ወጥቶ ሐሜቱን ያወራል።

⁷የሚጠሉኝ ሁሉ በእኔ ላይ አብረው ይሾክሹካሉ፤ ክፉን ይመክሩብኛል። ⁸“የሚገድል ነገር ፈሶበታል፤ ከተኛበትም ስፍራ ዳግመኛ አይነሣም።” ⁹የታመንሁት የቅርብ ወዳጄ እንኳ፣ እንጀራዬን የበላው፣ ተነሣብኝ። ^a a v9 ኢየሱስ አልፎ በተሰጠበት ሌሊት ይህን ጥቅስ ጠቀሰ፤ ይሁዳንም እንጀራውን የተካፈለ ከዚያም የተነሣበት ወዳጅ እንደ ሆነ ጠቆመ (ዮሐንስ 13፥18)።

¹⁰አንተ ግን አባቴ ሆይ፤ ማረኝ፤ ብድራታቸውን እመልስላቸው ዘንድ አስነሣኝ። ¹¹በእኔ ደስ እንደምትሰኝ በዚህ አውቃለሁ፤ ጠላቴ በእኔ ላይ በድል አድራጊነት ባለመጮኹ ነው። ¹²እኔንስ በቅንነቴ ትደግፈኛለህ፤ በፊትህም ለዘላለም ታቆመኛለህ።

¹³አባታችን ከዘላለም እስከ ዘላለም የተባረከ ይሁን። አሜን፤ አሜን።