Shalebü to Hapbou
Chia atbou jembou shanga. Dawideibü chia.
Shatbü yepshanga welaubü, ngühmai thüka setbü: shalebü to damanchühbü müt pendou seneibü Bouei haangngaitida. Chühla loubü shuongei amlangbü ngüh jinan, hoba thito hauan ngühlang phinthonda; dangbou shuongei haoei lalokchea hailabü dogo namtetda. Aei toje shat kaangbou kho ho ki: haoei maanglembü jam thangbou, haoeibü chale shaubouei hao khulimbo sepeibü.
41 1Shalebü to damanchühbü kho olinbou; seneibü Bouei khonkubü chaloua hao khümenlabü. 2Seneibü Bouei hao khümenlabü hoba lang phokulabü; kaodaka hao haübou dogo lenlabü. Nyi hao haoeibü dangbou shuongeibü maang to akümbo kulabü. 3Seneibü Bouei haoeibü shatbü yepshanga hao haangngaitilabü; haoeibü shat ka nyi hao mou maibü to sungngaikulabü.
4Ngo khoje ngei laukei, “Kü Bou, kü to onoukaima; ngo maitishima, aishanga ngei no khulimbo shabü shona.” 5Ngeibü dangbou shuongei ngo khulimbo amaibü lauda, “Hao jihsiphai hailabü, hoba haoeibü nyen maulabü?” 6Aoei ngo chühla loulaje, haoei amlangbü ngüh lauda, haoeibü maangpona pintiaatibü ngüh leishaian; kheijinei hao thito hauan kho lauda.
7Ngo to mangsenbü pendouei ngo khulimbo liko ngühlang hanei joyoda; haoenei ngo la amaibü maanglemda. 8“Hailabü lele thinei che hao thüka jinkua; hao yepbü ka nyibou aloenlabü.” 9Kü jam thangbou lolo, ngei maanglembo, kü chale shaubou kho, ngo khulimbo sepeia. a a v9 Jisuei hao yaakshaubü mütaoa ho chalou joyokei, Jihudas kho haoeibü chale yoa shaukei hoba kheijinei hao khulimbo sepeibou thangbou dogo lenkei (John 13:18).
10Lausikei no, kü Bou, kü to onoukaima, hoba ngo tonlangshima, khünei ngei haoen la kungailabü. 11Hoei ngei ngeakei, nyi kü to olinda dogo: ngeibü dangbouei ngo khulimbo olinko angekei. 12Ngo khoje, nyi ngeibü maangpon tangbüei ngo tonena, hoba nyi ngo kaibü thedanga ponpen shanga phoa.
13Seneibü Bou haübou yingshi, ponpen thon akibü ka ponpen thon akibü sühko. Amen hoba Amen.
