Ngoro Ĩrĩa Ĩnyootiĩ
Kũrĩ mũtongoria wa aini. Thaburi ya ũũgĩ ya aariũ a Kora.
Agiririo gũkinya hekarũ, na akĩnyũrũrio na kiugo gĩa “Ngai waku arĩ kũ?”, mũini nĩaririkanaga ũrĩa aatongoragia kĩrĩndĩ kĩa thigũkũ kĩrĩa atangĩhota gũcooka kũnyiitana nakĩo. Maita meerĩ nĩeeyũragia ngoro yake ĩrĩa ĩkuĩte, na akamĩcookeria o ũguo: wĩrĩgĩrĩre Ithe witũ, nĩngacooka kũmũgooca.
42 1O ta ũrĩa thwariga ĩĩriragĩria tũrũũĩ twa maaĩ, no taguo ngoro yakwa ĩkũĩĩriragĩria, wee Awa wakwa.
2Ngoro yakwa nĩĩnyootetwo nĩ Awa wakwa, o we Awa ũrĩa ũrĩ muoyo. Nĩ rĩ ngaahota gũũka njĩonanie mbere yake? 3Maithori makwa nĩmo matuĩkĩte irio ciakwa mũthenya na ũtukũ, rĩrĩa maanjũũria mũthenya wothe atĩrĩ, “Ngai waku arĩ kũ?”
4Maũndũ maya nĩmo ndĩĩririkanaga, o ngĩitũrũra ngoro yakwa: ũrĩa ndaathiiaga hamwe na kĩrĩndĩ, ngĩkĩmatongoria mũthiĩreinĩ nginya nyũmba ya Ithe witũ, tũkĩanĩrĩra na gĩkeno na nyĩmbo cia kũgooca, kĩrĩndĩ kĩnene gĩgĩkũngũĩra.
5Ũratũũra ũkuĩte nĩkĩ, wee ngoro yakwa, na ũrahĩũhaga nĩkĩ thĩinĩ wakwa? Wĩrĩgĩrĩre Ithe witũ; nĩ ũndũ nĩngacooka kũmũgooca rĩngĩ, we ũhonokio wakwa na Awa wakwa.
6Awa wakwa, ngoro yakwa nĩĩkuĩte thĩinĩ wakwa; nĩ ũndũ ũcio nĩngũkũririkana ndĩ bũrũriinĩ wa Jorodani na wa Herimoni, kuuma kĩrĩmainĩ kĩa Mizari.
7Kũrĩa kũriku gũgĩĩta kũrĩa kũngĩ kũriku, hĩndĩ ya mũrurumo wa ndururumo ciaku cia maaĩ; makũmbĩ maaku moothe na ndiihũ ciaku nĩciũnguĩte igũrũ rĩakwa. 8Mũthenya Ithe witũ aathanaga ũtugi wake wa kĩrĩĩkanĩro, na ũtukũ rwĩmbo rwake rũrĩ hamwe na niĩ, ĩhooya kũrĩ Ithe wa muoyo wakwa.
9Njĩĩraga Awa wakwa, o we ihiga rĩakwa, atĩrĩ, “Nĩkĩ ũũriganĩirwo nĩ niĩ? Nĩkĩ thiiaga ngĩcakaya nĩ ũndũ wa kũhinyĩrĩrio nĩ thũ?” 10O ta kĩronda kĩa gĩkuũ mahĩndĩinĩ makwa, amuku akwa nĩmaanyũrũragia niĩ, o rĩrĩa maanjĩĩra mũthenya wothe atĩrĩ, “Ngai waku arĩ kũ?”
11Ũratũũra ũkuĩte nĩkĩ, wee ngoro yakwa, na ũrahĩũhaga nĩkĩ thĩinĩ wakwa? Wĩrĩgĩrĩre Ithe witũ; nĩ ũndũ nĩngacooka kũmũgooca rĩngĩ, we ũhonokio wakwa na Awa wakwa.