詩篇 109

109 ¹我所讚美嘅父啊, 求你唔好靜默。 ²因為邪惡同詭詐嘅口向我 張開;佢哋用說謊嘅舌頭攻擊我。 ³佢哋用仇恨嘅 說話圍住我,無緣無故噉攻擊我。 ⁴我愛佢哋,佢哋反而控告 我,但係我專心祈禱。 ⁵佢哋以惡報我嘅善, 以仇恨報我嘅愛。

⁶求你派一個惡人 對付佢;叫一個控告者企喺佢右邊。 ⁷佢受審嘅時候,願佢被定為有罪; 願佢嘅祈禱變成罪。 ⁸願佢嘅日子短少; 願第個人接替佢嘅職位。 ^a a v8 彼得將呢節經文應用喺加略人猶大身上,當時眾使徒揀咗馬提亞嚟接替佢——使徒行傳1:20。 ⁹願佢嘅仔女冇咗父親, 佢嘅妻子成為寡婦。 ¹⁰願佢嘅仔女四圍流浪乞食,被人趕出佢哋荒廢嘅家園。 ¹¹願債主奪走佢一切所有嘅;願陌生人搶掠佢勞碌得嚟嘅成果。 ¹²願冇人向佢施恩慈, 冇人憐憫佢冇父嘅仔女。 ¹³願佢嘅後代被剪除; 願佢哋嘅名喺下一代被塗抹。 ¹⁴願佢祖先嘅罪孽喺我哋嘅父面前被記念, 願佢母親嘅罪唔被塗抹。 ¹⁵願佢哋嘅罪常常擺喺我哋嘅父面前,好使佢將佢哋嘅記念從地上除滅。

¹⁶因為佢唔記得施恩慈, 反而追逼貧窮、困苦同心碎嘅人, 想害死佢哋。 ¹⁷佢鍾意 咒詛,願咒詛臨到佢自己;佢唔喜歡 祝福,願祝福遠離佢。 ¹⁸佢著咒詛當做衣服;願咒詛好似水噉滲入佢嘅身體, 好似油噉滲入佢嘅骨頭。 ¹⁹願咒詛好似佢裹住自己嘅衣服,好似佢常常束住嘅腰帶。 ²⁰願呢個成為我控告者嘅報應, 係從我哋嘅父嚟嘅,臨到嗰啲惡言攻擊我性命嘅人。

²¹但係你,至高嘅父啊,求你為你嘅名嘅緣故恩待我; 因為你嘅慈愛美善,求你拯救我。 ²²因為我貧窮困苦, 我嘅心喺我裡面受咗傷。 ²³我好似傍晚嘅影子噉消逝; 我好似蝗蟲噉被抖甩。 ²⁴我因禁食而雙膝無力; 我嘅身體變得消瘦。 ²⁵我成為我控告者嘲笑嘅對象; 佢哋見到我,就搖頭。

²⁶求你幫助我,我嘅父啊;求你按照你嘅慈愛拯救我。 ²⁷求你叫佢哋知道呢個係你嘅手所作嘅, 係你,我嘅父,做嘅。 ²⁸任由佢哋咒詛,你卻會祝福。 佢哋起嚟嘅時候會蒙羞,但係你嘅僕人就歡喜快樂。 ²⁹願我嘅控告者披上羞辱; 願佢哋好似著袍噉裹住自己嘅慚愧。

³⁰我要用我嘅口大大感謝我哋嘅父; 喺眾人中間我要讚美佢。 ³¹因為佢企喺困苦人嘅右邊,拯救佢脫離嗰啲定佢性命罪嘅人。