ኤርሚያስ 19 FHB Father's Heart Bible™

19 ¹ኣቦና ከምዙይ በለ፦ ኪድ እሞ ናይ ሰራሒ መሬት ብልቃጥ ዓድግ፤ ካብ ዓበይቲ ህዝብን ካብ ዓበይቲ ኻህናትን ድማ ቁሩብ ውሰድ፥ ²ናብቲ ኣብ ኣፍ ደገ ስብርባር መሬት ዘሎ ለሰ ወዲ ሄኖም ውፃእ፤ ነቲ ኣነ ዝነግረካ ቓላት ድማ ኣብኡ ኣውጅ። ^a a v2 ስብርባር ማለት ስቡር ኣቕሓ መሬት እዩ፤ እቲ ደገ ኸዓ ብሰንኪ እቲ ኣብ ጥቓኡ ዝድርበ ዝነበረ ስብርባር ተሰምየ።

³ከምዙይ በል፦ ኣቱም ነገስታት ይሁዳን ኣቱም ህዝቢ ኢየሩሳሌምን፥ ቃል ኣቦና ስምዑ። ኣቦ ሰራዊት ሰማይ፥ ኣቦ እስራኤል ከምዙይ ይብል ኣሎ፦ እንሆ፥ እዝኒ ዅሎም ዝሰምዑ ዝጭብጨበሉ ጥፍኣት ኣብዝ ቦታ እዙይ ከምፅእ እየ። ⁴ንሳቶም ስለ ዝሓደጉንን ነዝ ቦታ እዙይ ጓና ስለ ዝገበርዎ፥ ንሳቶምን ኣቦታቶምን ነገስታት ይሁዳን ንዘይፈለጥዎም ካልኦት ኣማልኽቲ ኣብዙይ ስለ ዝዓጠኑን፥ ነዝ ቦታ እዙይ ድማ ብንፁህ ደም ስለ ዝመልእዎን እዩ። ⁵ንደቆም ናብ በዓል ዝቃፀል መስዋእቲ ጌሮም ብሓዊ ኣቃፂሎም ክስውኡ፥ ናይ በዓል ኰረብታ መስገዲ ሰርሑ፤ እዙይ ከዓ ዘይኣዘዝክዎን ዘይተዛረብክዎን፥ ኣብ ልበይውን ዘይሓለፈ እዩ። ⁶ስለዙይ እንሆ፥ ነዝ ቦታ እዙይ ቶፌት ወይ ለሰ ወዲ ሄኖም ዘይኮነስ፥ ለሰ ህልቂት ዝብልዎ መዓልቲታት ይመፅእ ኣሎ ይብል ኣቦና። ⁷ኣብዝ ቦታ እዙይ ነቲ ምኽሪ ይሁዳን ኢየሩሳሌምን ከፍስስ እየ፤ ኣብ ቅድሚ ፀላእቶም፥ ብኢድ እቶም ንህይወቶም ዝደልዩ፥ ብሰይፊ ከውድቆም እየ። ሬሳታቶም ድማ ንኣዕዋፍ ሰማይን ንኣራዊት ምድርን ምግቢ ክህቦ እየ። ^b b v7 እቲ ኣብዙይ "ምፍሳስ" ዝብል ቃል፥ ነቲ ኤርሚያስ ዝተማልኦ ናይ መሬት ብልቃጥ ዝመስል ድምፂ ኣለዎ፤ እቲ ባዶ ዝኾነ ብልቃጥ ነቲ ባዶ ዝኾነ ምኽሪ ይሁዳ የመልክት። ⁸ነዛ ኸተማ እዚኣ መገረሚን መፍሽፈሺን ክገብራ እየ፤ ኵሎም ሓለፍቲ መንገዲ ድማ በቲ ዅሉ ቍስሊ ክግረሙን ክፍሽፍሹን እዮም። ⁹ስጋ ኣወዳቶምን ኣዋልዶምን ከብልዖም እየ፤ ነፍሲ ወከፍ ድማ በቲ ፀላእቶምን እቶም ንህይወቶም ዝደልዩን ዘጨንቅዎም ከበባን ፀበባን፥ ስጋ ብፃዩ ክበልዕ እዩ።

¹⁰ሽዑ ነቲ ብልቃጥ ኣብ ቅድሚ እቶም ምሳኻ ዝኸዱ ሰባት ስበሮ፥

¹¹ከምዙይ ድማ በሎም፦ ኣቦ ሰራዊት ሰማይ ከምዙይ ይብል ኣሎ፦ ከምቲ ሓደ ሰብ ዳግም ክፅገን ዘይኽእል ናይ ሰራሒ መሬት ኣቕሓ ዝሰብር፥ ከምኡ ነዝ ህዝቢ እዙይን ነዛ ኸተማ እዚኣን ክሰብሮም እየ። ካልእ ዝቕብሩሉ ቦታ ስለ ዘይብሎም ድማ ኣብ ቶፌት እዮም ዝቕብሩ። ¹²ነዝ ቦታ እዙይን ንነበርቱን ከምዙይ ክገብሮም እየ ይብል ኣቦና፤ ነዛ ኸተማ እዚኣ ድማ ከም ቶፌት ክገብራ እየ። ¹³ኣባይቲ ኢየሩሳሌምን ኣባይቲ ነገስታት ይሁዳን፥ ከም ቶፌት ርኹሳት ክኾኑ እዮም፤ እዙይ ከዓ እቲ ኣብ ናሕሱ ንዅሉ ሰራዊት ሰማይ ዝዓጠኑሉን ንኻልኦት ኣማልኽቲ ናይ መስተ መስዋእቲ ዘፍሰሱሉን ኵሉ ኣባይቲ እዩ።

¹⁴ኤርሚያስ ካብቲ ኣቦና ክንበ ዝለኣኾ ቶፌት መፂኡ፥ ኣብ ኣፀድ ቤት ኣቦና ደው ኢሉ ንዅሉ እቲ ህዝቢ ኸምዙይ በሎም፦

¹⁵ኣቦ ሰራዊት ሰማይ፥ ኣቦና እስራኤል ከምዙይ ይብል ኣሎ፦ ክሳዶም ኣትሪሮም ቃለይ ምስማዕ ስለ ዝኣበዩ፥ ኣብ ልዕሊ እዛ ኸተማ እዚኣን ኣብ ኵለን ከተማታታን፥ ነቲ ኣብ ልዕሊኣ ዝተዛረብክዎ ዅሉ ጥፍኣት ከምፅእ እየ።