Mi eng' bukuit

Tyenwogigap Kalasunet 53 FHB Father's Heart Bible™

Kiistoi 15% eng' kiy ne iale korook →
Bukuit

Mami Chiito Ne Yaei Ne Myee

Eng' kiptaiyatap tyendo, ko uu Mahalath. Tienwotap utaatyet ne po Daudi.

Neegitee Sabuutyetap Tai Taman ak Ang'wan. Iro Kwandanyo eng' kipsengwet piik tugul si koger ngo mi ne nai, ago ma nyoor age tugul. Yweisyei che amei piikyik olooto ma mi kiy ne kiyweisyei. Koletuut ak kacheeng'etap yetunet ne kong'etee Zion.

Sura 53.

Mwaei chiito ne abusat eng' muguleldanyi kole, “Ma mi Kamuktaindet.” Kagong'emak, koyae yaityet ne kiwechei; ma mi chiito ne yaei ne myee.

Ki iro Kwandanyo eng' kipsengwet piik tugul si koger ngo mi che nai, che cheeng' ineendet. Kaginach tugul; kagong'emak togeet; ma mi chiito ne yaei ne myee, agot ko agenge.

Tos ma ngen piik che yaei yaityet, che amei piikyuk ko uu ye amei amitwogik, ak ma guure Kwandanyo? Olooto, ki kiyweisyei miising', ole ma mi kiy ne kiyweisyei; amu ki koiyesta Kwandanyo kawek che po ineendet ne ki togosta taing'ung'; kigilil inyee icheek, amu kagoeesyen Kwandanyo icheek.

Ingonyo yetunetap Israel kobun Zion! Ye isoobi Kwandanyo piikyik, ingoboiboitu Jakobo, ingobaibait Israel.