Nta n’umwe agira iciza
Ku mukuru w’abaririmvyi, nk’uko bwa mahalati. Zaburi y’ubukerebutsi ya Dawidi.
Rihwanye hafi na Zaburi 14. Data wacu araraba abantu bose, arondera n'umwe gusa atahura, ntamubone. Abarya abantu biwe bafatwa n'ubwoba aho ata gitera ubwoba cari kiriho. Riheza ryipfuza agakiza kava i Siyoni.
53 1Umupfu avuga mu mutima wiwe ati: “Nta Mana ihari.” Baratesheje, bakora amabi ateye ishishi; nta n’umwe agira iciza.
2Data wa twese yarunamuye ari mw’ijuru, araba abantu bose kugira ngo arabe ko hariho uwutahura, uwurondera we. 3Bose baratandukanye n’inzira; bose hamwe baratesheje; nta n’umwe agira iciza, n’umwe nyene.
4Mbega abakora ikibi nta co bazi—bamwe barya abantu banje nk’uko barya umutsima, kandi ntibatakambira Data wa twese? 5Ng’aho bari, bakwiragiwe n’ubwoba, aho nta co gutinya hari; kuko Data wa twese yasanganguye amagufa y’uwo yakikuje ingabo; wabamaramaje, kuko Data wa twese yabanse.
6Ese agakiza ka Isirayeli koza kava i Siyoni! Igihe Data wa twese azogarukana amahirwe y’abantu biwe, Yakobo nahimbarwe, Isirayeli nanezerwe.
