Bhal kaam kora ekjon bhi nai
Sangeet cholawta nimite, Mahalath laga sur hisab te. David laga gyaan laga git.
Gana 14 logote prai eke nisena ase. Amar Pitri sob manuh khan ke sai thake, ekjon bujhi thaka manuh bisari, aru ekjon bhi napai. Tai laga manuh khan ke khai phelai thaka khan bhoi pora dhori luwa hoi, jun jagate bhoi koribole eku bhi nathakise. Etu Zion pora uddhar ahibole asha kori kene khotom hoi.
53 1Murkho manuh tar mon te koi, “Isor nai.” Tarkhan kharap hoi jaise, ghin laga golti kori ase; bhal kaam kora ekjon bhi nai.
2amar Pitri sorgo pora manuh khan sob ke nichete saise, kunba bujhi luwa ase na, kunba Tar ke bisari thaka ase na eitu sabole. 3Tarkhan sob giri jaise; eke logote tarkhan kharap hoi jaise; bhal kaam kora ekjon bhi nai, ekjon bhi nohoi.
4Kharap kaam kora khan ke eku gyaan nai naki—jun khan roti khai thaka nisina moi laga manuh khan ke khai pela, aru amar Pitri ke mati nai? 5Ta te tarkhan bhoi pora bhorta hoi jaise, juntu jagate bhoi koribole eku nathakise; kilemane tumar birodh te tombu lagai thaka manuh laga hardi khan ke amar Pitri pora chitrai dise; tumi tarkhan ke sorom khila dise, kilemane amar Pitri pora tarkhan ke chari dise.
6Ah, Israel nimite poritran Zion pora ulai ahile kiman bhal hobo! Jitia amar Pitri pora Tar laga manuh khan laga bhagya wapas anibo, Jacob khushi hobi, Israel anandito hobi.