സങ്കീർത്തനങ്ങൾ 53 FHB Father's Heart Bible™

53 ¹“ദൈവമില്ല” എന്ന് മൂഢൻ തന്റെ ഹൃദയത്തിൽ പറയുന്നു. അവർ വഷളരായിരിക്കുന്നു, മ്ലേച്ഛമായ ദുഷ്ടത പ്രവർത്തിക്കുന്നു; നന്മ ചെയ്യുന്നവൻ ആരുമില്ല.

²വിവേകമുള്ളവർ ആരെങ്കിലുമുണ്ടോ, അവിടുത്തെ അന്വേഷിക്കുന്നവർ ആരെങ്കിലുമുണ്ടോ എന്നു കാണുവാൻ നമ്മുടെ പിതാവ് സ്വർഗത്തിൽനിന്ന് മനുഷ്യവർഗത്തെയെല്ലാം താഴേക്കു നോക്കി. ³അവരെല്ലാവരും വഴിതെറ്റിപ്പോയിരിക്കുന്നു; ഒന്നിച്ച് വഷളരായിത്തീർന്നിരിക്കുന്നു; നന്മ ചെയ്യുന്നവൻ ആരുമില്ല, ഒരുവൻപോലുമില്ല.

⁴അപ്പം തിന്നുന്നതുപോലെ എന്റെ ജനത്തെ തിന്നുകളയുകയും നമ്മുടെ പിതാവിനെ വിളിച്ചപേക്ഷിക്കാതിരിക്കുകയും ചെയ്യുന്ന ദുഷ്പ്രവൃത്തിക്കാർക്ക് അറിവില്ലയോ? ⁵ഭയപ്പെടുവാൻ ഒന്നുമില്ലാത്തിടത്ത് അവർ അവിടെ മഹാഭീതിയാൽ ആവരിക്കപ്പെട്ടു; എന്തെന്നാൽ നിന്നെ നേരിട്ടു പാളയമിറങ്ങിയവന്റെ അസ്ഥികളെ നമ്മുടെ പിതാവ് ചിതറിച്ചു; നീ അവരെ ലജ്ജിപ്പിച്ചു, എന്തെന്നാൽ നമ്മുടെ പിതാവ് അവരെ തള്ളിക്കളഞ്ഞിരിക്കുന്നു.

⁶ഇസ്രായേലിന്റെ രക്ഷ സീയോനിൽനിന്ന് വന്നെങ്കിൽ! നമ്മുടെ പിതാവ് അവിടുത്തെ ജനത്തിന്റെ സൗഭാഗ്യം തിരികെ നൽകുമ്പോൾ, യാക്കോബ് ആനന്ദിക്കട്ടെ, ഇസ്രായേൽ സന്തോഷിക്കട്ടെ.