Gũtirĩ Mũndũ O na Ũmwe Wĩkaga Wega
Kũrĩ mũtongoria wa aini; kũringana na Mahalathi. Thaburi ya ũũgĩ ya Daudi.
Ĩhaana o ta Thaburi ya 14. Ithe witũ nĩacũthĩrĩria andũ oothe agĩcaria mũndũ o na ũmwe ũrĩ na ũmenyo, na ndonaga o na ũmwe. Arĩa marĩĩaga andũ ake manyiitagwo nĩ guoya harĩa hataarĩ ũndũ wa gwĩtigĩra. Ĩrĩkĩrĩria na kwĩrirĩria ũhonokio uume Zayuni.
53 1Mũndũ mũkĩĩgu oigaga ngoroinĩ yake atĩrĩ, “Gũtirĩ Ngai.” Nĩmathũkĩte, mekaga maũndũ ma magigi; gũtirĩ mũndũ wĩkaga wega.
2Ithe witũ nĩacũthĩrĩirie thĩ arĩ igũrũ, akĩrora andũ oothe, one kana nĩ kũrĩ ũrĩ na ũmenyo, o na ũrĩa ũmũcaragia. 3Oothe nĩmagarũrũkĩte; hamwe nĩmatuĩkĩte athũku; gũtirĩ mũndũ wĩkaga wega, o na ũmwe gũtirĩ.
4Andũ arĩa mekaga ũũru githĩ matirĩ ũmenyo—o acio marĩĩaga andũ akwa o taarĩ mũgate, na matikaĩire Ithe witũ? 5Hau nĩho maanyiitirwo nĩ guoya mũnene, harĩa hataarĩ ũndũ wa gwĩtigĩra; nĩgũkorwo Ithe witũ nĩahurunjire mahĩndĩ ma ũrĩa waakũambĩire hema; nĩwamaconorithirie, nĩgũkorwo Ithe witũ nĩamaregete.
6Naarĩ korwo ũhonokio wa Isiraeli ũngiuma Zayuni! Rĩrĩa Ithe witũ agaacookereria andũ ake ũgaacĩru wao, Jakubu nĩakene, Isiraeli nĩacanjamũke.