Maibü Kümbou Aoeikei Aki
Chia atbü leiyeibou shanga, Mahalat tegü. Dawideibü songsihon chia.
Hibü Sopbo 14 yoa maimai phatko ki. Seneibü Bouei müt pendou chühyanda, ditenbü müt che lamla shanga, lausikei aoei athükei. Jembü mütli suibü shuong hatbü akibü khonei hatko loenkei. Zion ka khümenbü longtikua dogo maanglem thonda.
53 1Ngoubüloubü mütei haoeibü maangpona laukei, “Mühghaü aki.” Haoen asaopoko ki, mangsenlabü amaibü kümbei; maibü kümbou aoeikei aki.
2Seneibü Bouei khuthük ka seman chühyankei, khunakshousi pendou yoka ditenbü aoei kia, hao to lambü aoei kia dogo chühla shanga. 3Haoen pendou apyokei; liko haoen asaopoko yeikei; maibü kümbou aoeikei aki, che ongkei aki.
4Amaibü kümbü shuong, aoyouei kü mütli to wentek shaubü tegü shauda, hoba seneibü Bou to angekda, haoenei hapbüngebü aki lo? 5Haoen hatko loenkei, hatbü akibü khonei; aishanga seneibü Bouei no khulimbo takshatbou shuongeibü lo lintikei; nyi haoen himouko phokukei, aishanga seneibü Bouei haoen asungletkei.
6O, Israel shanga khümenbü Zion ka longtikua yingma! Ladang seneibü Bouei hao mütli thu kümetkulaje, Jakob olinlabü, Israel maang hailabü.
