Dawidei khümenla ngekbü
Chia leiyebou shanga. Kongkin yoa. Dawideibü songsihon chia che, ladang Zifbü Saul jungto louan, “Dawid kün yoa huan akilo?” dogo laubü chalou.
Zifbü shuongei Dawid Saul thüka leila sudajakei. Haoeibü welau kho tei hoba sangbü aying—kaibü nyena ngo khümenashi—hoba ngüh che thüka settida: chühashi, kü Bou ngeibü thuibou ki, kü langkei yaüenbou ki.
54 1O kü Bou, kaibü nyena ngo khümenshima, hoba kaibü hauei kü matjem kushi. 2O kü Bou, ngeibü welau ditashi; kü sembung kabü ngüh nou haangashi. 3Aishanga yenbou shuong kü khulimbo longkei, hoba sanou akakbü shuongei ngo haitila wanthung—haoenei seneibü Bou to soumo ahatda.
4Chühashi, kü Bou ngeibü thuibou ki; Bunyubou Mühghaü ngeibü langkei yaüenbou ki. 5Haoei amaibü kho ngo haiyeiko kibü shuong khua jinkulabü; kaibü maanglemenbüei haoen mautiashi. 6Maangmai lembü ngei ka la kulabü; kü Bou, ngei kaibü nyen nyensang kulabü, aishanga kho maibü ki. 7Aishanga haoei khonsak pendou ka ngo khümenkei, hoba ngei ngeibü dangbou shuong to thük hapan chühkei.
