Yonglambü Tongde
Chia atbü konglebou shanga. Dawideibü songsihon chi che. Ladang Edombü Doeg louan Saul to lenkei, “Dawid Ahimelek chem to haukei.”
Doeg, aoei ungshedbou shuong shangabü Saul to lenkei, hao shanga ki. Hao to suibü ngüh sanoubou hoba jembü songsihon mailembou dogo lenan, hao jembü kaak ka solanglabü dogo lauda—khei sopbou kho seneibü Bou chema longbü oliv bu tegü longa.
52 1No aila amaibü shanga yonglambo lauda, lakjaibou? Seneibü Bou üeisanou chalou lounyu kida.
2Kaibü tongdeei mautilabü kümthen kümda, shuanbü khujin tegü, no khüpbülangbü. 3No maibü tokei amaibü aei sanouda, hoba tükde laubü tokei khüpbülangbü ngüh aei sanouda.
4No suibü ngüh pendou sanouda, no khüpbülangbü tongde. 5Lausikei seneibü Bouei no ponpen mautilabü; haoei no solanglabü hoba kaibü neichem ka no shian aplabü; haoei langkei kibü kaodak ka no pheian aplabü.
6Saopobü shuongei haplabü hoba hatlabü; haoenei hao to nyiko laulabü, 7“Ho müt kho chühashi, aoei seneibü Bou jembü lapheishon akümbo, lausikei jembü nyaksinam juong to mailembei, hoba lubü shuong mautiko hau kibou yeikei.” 8Lausikei ngo seneibü Bou chema kibü longbü oliv bu tegü ki; ngo seneibü Bou üeisanou to ponpen thon akiko mailemda. 9Ngei ka ponpen nyen sanglabü, aishanga nyi ho kümbei; kaibü saopobü shuong thedanga ngei kaibü nyena maanglemlabü, aishanga kho maibü ki.
