Harshe Mai Fariya
Don shugaban mawaƙa. Zabura ta hikima ta Dawuda. Sa'ad da Doyeg Ba'edom ya zo ya gaya wa Shawulu, “Dawuda ya tafi gidan Ahimelek.”
An nufe ta ga Doyeg, wanda ya kai ƙarar firistoci wurin Saul. Ana magana da shi a matsayin mutumin da yake son kalmomin da suke cinyewa, yana kuma dogara ga dukiyarsa. An gaya masa za a fizge shi daga alfarwarsa, alhali mawaƙin yana girma kamar itacen zaitun a gidan Ubanmu.
52 1Me ya sa kake taƙama da mugunta, kai jarumi? Madawwamiyar ƙaunar Ubanmu tana nan dukan yini.
2Harshenka yana ƙulla hallaka, kamar aska mai kaifi, kai mayaudari. 3Kana son mugunta fiye da nagarta, kana kuma son ƙarya fiye da faɗar abin da yake daidai.
4Kana son kowace kalma mai cinyewa, kai harshe mai ruɗi. 5Amma Ubanmu zai rushe ka har abada; zai fizge ka, yă ciro ka daga tentinka; zai tumɓuke ka daga ƙasar masu rai.
6Masu adalci za su gani su kuma ji tsoro; za su yi masa dariya, suna cewa, 7“Ku dubi mutumin wanda bai mai da Ubanmu mafakarsa ba, amma ya dogara ga yawan dukiyarsa ya kuma ƙaru da ƙarfi ta wurin hallaka waɗansu.” 8Amma ni kamar itacen zaitun mai haɓaka ne a cikin gidan Ubanmu; ina dogara ga madawwamiyar ƙaunar Ubanmu har abada abadin. 9Zan yabe ka har abada saboda abin da ka yi; a gaban amintattunka zan sa begena ga sunanka, gama yana da kyau.