Ulwimi oluqhayisayo
Kumongameli weemvumo. Umhobe wobulumko kaDavide. Xa uDoweg umEdom weza waxelela uSawule, wathi: “UDavide uye endlwini ka-Ahimeleki.”
Ujoliswe kuDowegi, owaxela ababingeleli kuSawule. Ubhekiswa njengendoda ethanda amazwi aqwengayo nethembele kubutyebi bayo, aze axelelwe ukuba uya kuxhwilwa ententeni yakhe — lo gama umvumi ehluma njengomnquma endlwini kaBawo wethu.
52 1Kutheni uqhayisa ngobubi, we gorha? Uthando oluthembekileyo lukaBawo wethu luhlala imini yonke.
2Ulwimi lwakho luyila intshabalalo, njengecekwa elilolekileyo, wena mkhohlisi. 3Uthanda ububi kunokulungileyo, nobuxoki kunokuthetha okulungileyo.
4Uthanda onke amazwi aqwengayo, wena lwimi lunenkohliso. 5Kodwa uBawo wethu uya kukudiliza ngonaphakade; uya kukuxhwila akukhuphe ententeni yakho; uya kukunyothula elizweni labaphilayo.
6Amalungisa aya kubona oyike; aya kumhleka, athi: 7“Khangela loo mntu owayengafuni ukwenza uBawo wethu ibe yindawo yakhe yokusabela, kodwa wayethembele kubutyebi bakhe obukhulu waza womelela ngokutshabalalisa abanye.” 8Kodwa mna ndinjengomnquma ohlumayo endlwini kaBawo wethu; ndithembele eluthandweni oluthembekileyo lukaBawo wethu ngonaphakade kanaphakade. 9Ndiya kukudumisa ngonaphakade ngenxa yoko ukwenzileyo; phambi kwabathembekileyo bakho ndiya kubeka ithemba lam egameni lakho, kuba lilungile.
