Iyooktoi Kwanda Mestowot ne Punei Bethlehem
Punu pounindet Bethlehem Ephratah, ne ming'in eng' ortinwek che po Judah, ne mi tuneennyi eng' keny, eng' peetuusyegap koigeny; koriibei keechiir eng' kimnateetap Kwandanyo, ak koek ineegei kalyennywa. Ne let ko tililet, ye king'eetun kainik ak charunee ak kiwotosyek ak ponik ak imagisyek tugul.
Ng'alaali Kwandanyo eng' mustarisyek 10–15
5 1Iyum lugosyekuk, cheptap lugoosyek! Kagiyiemech lugeet. Rabachei kirwoogindetap Israel matanda eng' kirokto. a a v1 'Cheptap lugosyek' ko ng'olyootap tienwogik ne po Ebrania ne kiguurei piik che po lugeet — yuni, komye Jerusalem anan Judah. 2Ago inyee, Bethlehem Ephratah, ngot ii ne ming'in eng' kwenutap ortinwek che po Judah, punjinwo eng' inyee chii ne ek pounindet eng' Israel, ne mi tuneennyi eng' keny, eng' peetuusyegap koigeny. b b v2 Ki mwachi tisiik che eechen Herode ng'olyoondoni koek ole kisigei Mesia; iboorei Jeso, ne ki sich eng' Bethlehem, Pounindet ne tuneennyi poonei agoi koigeny. 3Nooto, koisto icheek agoi sait ne kagosich kwondo ne mi labotik; yeityo koweekyingei tupchosyekyik che ng'etunotiin kwa piigap Israel. 4Tononi ak koriibei keechiiryennyi eng' kimnateetap Kwandanyo, eng' telunatetap kainetap Kwandanyi. Ak komeng'iisyei eng' kaalyeet, amu nguno koegu ne oo agoi tabanwegap ng'wony. 5Ak koek ineegei kalyennyo. Ye konyo Assyria emennyo ak kotyech irimoinnyo, yeityo king'eetun mestoweek tisap ak laitorinik sisiit che po piik. 6Koriibei icheek emetap Assyria eng' rotwetap chok, ak emetap Nimrod eng' kurgotikyik. Ak kosarwech pounindet eng' Assyria ye konyo emennyo ak kotyech eng' kwenutap kiwotosyennyo.
Ariibwek Che Kagiweekyini ak Kagianyinygei
7Yeityo komeny ariibwegap Jakobo eng' kwenutap piik che chaang' ko uu rewoot ne punei Kwandanyo, ko uu robwoot che robonjin susweek, che ma ageni chii age tugul anan kogagei chii age tugul. 8Ak komeny ariibwegap Jakobo eng' kwenutap pororyosyek, koyiemei piik che chaang'—ko uu ng'etundo eng' kwenutap tyong'ik che po timiin, ko uu ng'etundo ne neran ne wendi kwenutap akweetap keechiirek, ne ngo siirto, kotyech ak kopach, ak momi ne muuchi kosar. 9King'eetun eung'ung' parak eng' aboiguk, ak kitil puuniguk tugul.
10Ak eng' peetuunooto, mwaei Kwandanyo, atil paraisisyeguk kobun kwenung'ung' ak ang'em kariisyeguk. 11Atil nganasosyegap emeng'ung' ak abut irimoiguk tugul. 12Atil ponisyosyek eng' eung'ung', ak matinye che ng'oorsei kogeny. 13Atil koikuk che saaei ak tolochikuk eng' kwenung'ung', ak masaei kogeny poisyonigap euneguk. 14Atut Aserikuk eng' kwenung'ung' ak ang'em nganasosyekuk. c c v14 Aserik ko ki tuguuk che po keetiik che ki kiteech si kiosaaen seiyet ne kwondo ne po Kanaan; koonei Kwandanyo si kosaaen piikyik ineegei kityo. 15Ak eng' angeet ak nereegek ayaakyini kirwooget pororyosyek che ma kiiwinji.