Mi eng' bukuit

Isaiah 48 FHB Father's Heart Bible™

Kiistoi 15% eng' kiy ne iale korook →
Bukuit

Kiguure eng' Kainennyu

Leenji Kwandanyo piik che kuure icheek kole kiim ko uu sani kole kaamwa tuguuk tugul kong'eetee si ma omwa kole kanamonikwok ne ki yai tuguuchu. Kagotyem icheek eng' nyalilda, ak arageni agobo kalya ne ki muuchi konyoor. Ago oiyo ng'olyoot: Omong' Babilon, omwa kole kagoyeetun icheek.

Ng'alaali Kwandanyo eng' mustarisyek 3–13, 15, 17–19, 22

Sura 48.

Ogas niito, kap Jakobo, okweek che kiguure eng' kainetap Israel ak che punu ortinwegap Judah; okweek che yasyei eng' kainetap Kwandanyo ak kuurei Kwandanyo—ago ma eng' imanit anan eng' imanda. Amu kuuregei piigap nganaseet ne tiliil ak tiegei Kwandanyo—Kwanda ne po lugosyegap kipsengwet ko kainennyi.

“Kaamwa tuguuk che po tai keny; ki mang'une eng' kutinnyu, ak kaaboorun. Yeityo kaayai eng' kagirgiret, ak kobiitu. Amu kaang'en ile uueen metowoi—kaating'ung' kiim ko uu karnet, turyetap togeng'ung' kagar ko uu sani.’ Kaamwaiwok tuguuchu keny; ko tomo kobiitu kaamwaiwok, si ma imwae kogeny, kole, ‘Kanamwennyu ko ki yai icheek; kanamwennyu ne kiger ak nenyu ne kiliige ko ki ng'at icheek.” Kaigas; ara keer tugul. Tos ma iyan? Kobooch nguno amwaiwok tuguuk che leel, tuguuk che ung'aat che ma ki iyong'en.’ Kagiyaech nguno, ma po keny; ko tomo koit rani ma ki igas, si ma imuuch imwae, kole, ‘Kigang'en icheek.’ Ma ki igas, ma ki iyong'en; keny ma ki kiyaat iting'ung'. Amu kaang'en ile iberber inyee— kiguurenen chii ne rebe kobooch sigeennyeng'ung'. Agobo kainennyu ko amutyo angeennyu; agobo kalasunennyu ko amutyo agobo inyee, si ma ang'etin. Keero, kaatiliilin, ago ma ko uu fedha; kaatyemin eng' kwenutap maatap nyalilda. Agobo anee, agobo anee, ko ayae—amu nee si king'emgei kainennyu? Toroornatennyu ma akoochi chiito age.

Aa ne po Tai ak ne po Let

“Igaswo, Jakobo, ak Israel, ne kaaguur: Anee inee; aa ne po tai, ak aa ne po let. Eunnyu ko ki lumei kamanuutyetap ng'wony, ak eunnyu ne po tai ko ki landa kipsengwet; ye aguure icheek, kotonone togeet.”

Oyumgei, okweek tugul, ak ogas: ng'oo eng' icheek ne kaamwa tuguuchu? Ne achame ko yai magennyu agobo Babilon, ak eunnyi ko mi agobo piigap Babilon. a a v14 “Ne achamei” ko kuurei Kuresh, laitoryatap Persia ne ki igoite Kamuktaindet si kobar Babilon ak kobit piigap Israel.

Anee, anee kityo, ko kaang'alaal; ee, kaaguur ineendet. Kaaip ineendet, ak kosuldoi ooreennyi.

Okarat anee, ogas niito: kobooch taunet ma kaang'alaal eng' ung'oot; kobooch sait ne ki biitu, ki amiten. Ak nguno kaayook Kiptaiyat Kwanda anee—ak Kabuusennyi. b b v16 Chaang' piik che kasei Jeso kong'alal eng' ng'aleechu — Otwogindet ne mache Kwandanyo koboorun eng' kebeberwek che isubu, ne ki kiyook kobooto Kabuuset ne Tiliil.

Uu ni ne mwaei Kwandanyo—Kityaachindeng'ung', ne Tiliil ne po Israel: Aa Kwandang'ung', ne neetin si imyee, ne ndoiin eng' ooreet ne iwendi. “Nda ki igas ng'atuutikyuk! Ta ki rootune kalyeng'ung' ko uu aineet, ak imandang'ung' ko uu peek che mildogei che po nyanjet. Ta ki ek lagokyuk ko uu ng'aniek, ak iyoteng'ung' ko uu ng'aniekyik; ma ki king'et kainennywa anan koibetak eng' tainnyu.”

Omong'u eng' Babilon! Oring' eng' piigap Babilon! Eng' kaagaasetapkei omwaite, oamde nooto; oyookte agoi letap ng'wony. Omwa ole, ‘Kagorutoochi Kwandanyo otwogindennyi Jakobo!’ Ma ki am melelda ye ki indoi icheek eng' ong'atosyek; ki irootunji icheek peek eng' rwandet. Ki pet rwandet, ak ki isururgei peek.

“Ma mi kaalyeet,” kole Kwandanyo, “eng' kiptengeginik.”