د ټولو خلقو دپاره دُعا کول
پولوس لومړی غوښتنه کوي چې د ټولو خلکو لپاره دعا وشي، د پاچاهانو په ګډون، ځکه چې زموږ پلار غواړي ټول خلک وژغورل شي، او یو منځګړي، مسیح عيسىٰ، ځان د ټولو لپاره ورکړ. بیا نارینه باید پرته له غوسې دعا وکړي، او ښځې باید په حیا جامې واغوندي، په چوپتیا زده کړه وکړي، او تدریس ونه کړي.
2 1نو تر هر څۀ مخکښې زۀ دا وصيت کوم چې د ټولو خلقو دپاره عرضونه، دُعاګانې، سفارشونه او شکرونه ادا کړے شى، 2د بادشاهانو او د ټولو حاکمانو دپاره، دې دپاره چې مونږ په پوره دينداريۍ او وقار سره په امن او سکون کښې ژوند تېر کړو. 3دا ښۀ خبره ده او زمونږ د پلار، زمونږ د خلاصونکى، خوښيږى، 4څوک چې غواړى چې ټول خلق خلاصون ومومى او د حق په پوهه خبر شى. 5ځکه چې يو پلار دے، او د پلار او د انسانانو ترمنځه يو بيچ ثالث دے، هغه انسان مسيح عيسىٰ، 6چې خپل ځان يې د ټولو دپاره د فديې په توګه ورکړو، دا هغه ګواهى ده چې په خپل وخت ورکړے شوه. 7د دې دپاره زۀ مناد او رسول مقرر شوم، زۀ رښتيا وايم، دروغ نۀ وايم، چې زۀ د قومونو اُستاذ يم، په ايمان او حق کښې. 8زۀ غواړم چې سړى په هر ځائ کښې دُعا وکړى، چې خپل پاک لاسونه بې غصې او بې جګړې پورته کړى.
9هم په دغه شان، ښځې دې ځان په حيا او ضبط سره په مناسب جامو ښائسته کړى، نۀ چې په ګنډلو ويښتو، سرو زرو، موتيانو او يا قيمتى جامو، 10بلکې په نيکو کارونو سره، لکه چې هغه ښځو ته ښايان دى چې د زمونږ د پلار د عبادت دعوىٰ کوى. 11ښځه دې په خاموشيۍ سره، په پوره تابعداريۍ کښې، زده کوى. 12زۀ ښځې ته د دې اِجازت نۀ ورکوم چې هغه سبق ورکړى يا په سړى باندې حُکم چلوى، بلکې هغه دې خاموشه پاتې شى. 13ځکه چې اول آدم جوړ شوے وو، بيا حوا. 14او آدم دوکه نۀ وو شوے، خو ښځه دوکه شوه او خطاکاره شوه. 15خو هغه به د اولاد په زېږولو سره خلاصون ومومى، کۀ چرې هغوئ په ايمان، مينه او پاکيزګيۍ کښې، په ضبط سره پاتې شى. a a v15 ضمير د ’هغه‘ نه ’هغوئ‘ ته بدليږى، لکه چې په اصل کښې دے، شايد چې دا د عام طور ښځو په حقله وى چې په دغو نيکيو کښې قائمې پاتې کيږى.
