Sob Manuh Khan Nimite Prathana Kora
Paul prothom te sob manuh nimite prathana koribole koi, raja khan bhi, kilemane amar Pitri sob manuh bachibole itcha kore, aru ekjon modhyasthi, Khrista Jisu, sob nimite nijor ke di dise. Tar pichete mota manuh khan khong nakori kene prathana koribo lage, aru maiki manuh khan sadharon kapra pindhibo, chup-chap sikhibo, aru sikhai nadibo lage.
2 1Etu karne, sob pora poila, sob manuh khan nimite binti, prathana, dusera khan karne prathana, aru dhanyavad kori bole, moi anurodh kori ase, 2raja khan aru adhikar te thaka sob khan nimite bhi, titia amikhan pura bhakti aru man-sonman logot te shanti aru chup-chap jivon jibo pare. 3Eitu bhal ase, aru amar Pitri, amar Trankorta, ke khushi kora ase, 4Kun sob manuh khan poritran pabole aru hosa kotha jani bole itcha kore. 5Kilemane ekjon he Pitri ase, aru Pitri aru manuh khan laga majot te ekjon modhyostho ase, jun manuh Khrista Jisu ase, 6jun sob khan nimite nijor ke mukti laga daam hisab te di dise—thik homoi te diya gawahi. 7Etu karne moi ekjon prachar kora aru pacharita bonai dise—moi hosa koi ase, misa nohoi—biswas aru hosa te desh khan laga shikhok hoise. 8Etu karne, sob jagah te thaka mota manuh khan khong aru jhagara nakori kene pobitro hath uthai prathana koribole, moi itcha kore.
9Etu nisena, maiki khan sorom aru nijor ke sambhali kene thik pora kapra pindhibo lage, chuli guntha-guntha kori diya, suna, moti, nahole daami kapra pora nohoi, 10kintu, amar Pitri ke bhakti kore koi thaka maiki khan nimite thik howa nisena, bhal kaam khan pora saja-sojai thakibo lage. 11Maiki ekjon pura niche pora adhin hoi kene, chup-chap pora shikhibo lage. 12Moi maiki ekjon ke shikhai dibole, nohole mota manuh uporte adhikar koribole, anumoti nadiye; kintu tai chup-chap thakibo lage. 13Kilemane poila Adam ke bonaise, titia pichete Eve ke. 14Aru Adam ke thogai diya nai, kintu maiki tu thogai khaise aru niyom-bhanga manuh hoi jaise. 15Kintu tai bacha jonom diya laga dwara poritran pabo, jodi tarkhan biswas, morom, pobitrota, aru nijor ke sambhal kora te thaki thake. a a v15 Sorbonam tu 'tai' pora 'tarkhan' te ghuri jai—jineka mula bhasha te ase—sayad eitu bhal gun khan te age barikena thaka sob maiki khan ke mane.