Me basika na mukanda
Dibuku

Beno dila, Beno Babwatu ya Talesise

Kisika ya Tile ya kukumina babwatu me beba, mpe ba zabisa bantu ya mumbungu ya yandi na kudila; bantu ya mumbungu yina vwandaka kupesa bampu ya kintinu mpe kukitula mubu zandu ke vwanda swi. Tata ya beto yindulaka yawu, samu na kukulumuna lunangu nyonso ya nkembo. Bimvwama ya yandi ya manima ke kuma ya longo.

Tata ya beto ke zonza na vese 12

Kapu 23.

Mambu yina me tadila Tile: Beno dila, beno babwatu ya Talesise, samu ti kisika ya beno ya kukumina babwatu me beba, yawu me bikana kukonda nzo to kisika ya kupema. Katuka na yinsi ya Sipulose nsangu me kuma na bawu. Beno vwanda swi, beno yina ke zingaka na kumu ya mubu, beno bantu ya mumbungu ya Sidone, yina bantumwa ya bawu ke sabukaka mubu. Na nzila ya maza ya nene bambuma ya Siyole kwizaka, madya ya nzadi ya Nile—yawu vwandaka mbongo ya yandi; mpe yandi kumaka zandu ya bantu ya bayinsi. Sidone, vwanda na nsoni, samu ti mubu me tuba, kibaka ya ngolo ya mubu: «Mu me mona mpasi ya kubuta ve, mu me buta ve, mu me kula babakala ya baleki ve mpe mu me yedisa bandumba ve.» Ntangu nsangu me kuma na Ngipiti, bawu ke fuluka na boma na nsangu yina me tadila Tile. Beno sabuka tii na Talesise; beno dila, beno yina ke zingaka na kumu ya mubu. Keti yayi ni mbanza ya beno ya nsayi, yina yantikaka na bantangu ya ntama, yina makulu ya yandi nataka yandi tii na kwenda zinga na bayinsi ya ntama? Nani me yindula mambu yayi samu na Tile, yandi yina vwandaka kupesa bampu ya kintinu, yina bantu ya mumbungu ya yandi vwandaka bamfumu, yina bizyeti ya yandi vwandaka bantu ya nzitusu ya ntoto? Tata ya binwani ya zulu me yindula yawu—samu na kudefisa lunangu nyonso ya nkembo, samu na kukulumuka bantu nyonso ya nzitusu ya ntoto. Luta na yinsi ya nge bonso maza ya nzadi ya Nile, mwana-nkento ya Talesise; kisika ya kukumina babwatu kele dyaka ve. Yandi me lambula diboko ya yandi na zulu ya mubu; yandi me nikisa bimfumu. Tata ya beto me pesa ntumunu na yina me tadila Kaana samu na kubebisa bisika ya ngolo ya yandi.

Yandi tubaka: «Nge ke yangalala dyaka ve, nge mwana-nkento ya ndumba ya Sidone yina ba me vukisa mfulu na ngolo. Telama, sabuka tii na Sipulose; ata kuna nge ke pema ve.»

Beno tala yinsi ya ba-Babilone! Yayi ni bantu yina kele dyaka ve; Asule pesaka yawu na bibulu ya yinsi ya kuyuma. Bawu telemisaka banzo ya nda ya mvita ya bawu, bawu botolaka bima na banzo ya kintinu ya yandi tii yawu kumaka mpamba, bawu kitulaka yawu kisika ya kubeba. a a v13 Na ki-Ebreo: ba-Kaldeya — bantu yina vwandaka kuyala Babilone ya ntangu ya ntama. Beno dila, beno babwatu ya Talesise, samu ti kibaka ya ngolo ya beno me beba. Na kilumbu yina, bantu ke zimbana Tile bamvula makumi nsambwadi, bonso bilumbu ya luzingu ya ntinu mosi. Na nsuka ya bamvula makumi nsambwadi, mambu yina ke bwila Tile ke vwanda bonso mukunga ya kento ya kindumba: «Baka nsambi, zyeta na mbanza mvimba, nge kento ya kindumba yina bantu me zimbana; sika na kitoko, yimbila mikunga mingi, samu ti bantu kuyindula nge dyaka.» Na nsuka ya bamvula makumi nsambwadi, Tata ya beto ke tala Tile dyaka, mpe yandi ke vutuka na mbongo ya yandi, yandi ke sala kindumba na bimfumu nyonso ya yinza na zulu ya ntoto mvimba. Kasi ndandu ya yandi mpe mbongo ya yandi ke vwanda ya kubyekwa, ya longo samu na Tata ya beto. Ba ke bumba yawu ve, ba ke yonzika yawu ve; ndandu ya yandi ke kwenda na bayina ke zingaka na ntadisi ya Tata ya beto, samu na madya mingi mpe binkuti ya kitoko.