Orir, Melisyegap Tarsis
Kagong'em atebweetap Tyro, ak keleenji chemung'arainikyik si koriir; aldaindosyek che ki koegu laitorinik pounik ak che ki koegu nyanjet ole aldae, kosilem. Ki bwaati Kwandanyo niito, si koyaach menateet tugul ne teegisto. Melektonyi ne nyonei koek tiliil.
Ng'alaali Kwandanyo eng' mustari 12
23 1Kale ne agobo Tyro: Orir, okweek melisyegap Tarsis, amu kagong'em luuknyi, kagobagaki koma mi koot anan kamuung'eet. Kobunu emetap Kipro kagoit logoiywek icheek. 2Osiis, okweek che menyei ngeguut, okweek chemung'arainigap Sidon, che landae kemwaitaikyik nyanjet. 3Eng' peek che eecheen ki nyoo peegap Shihor, kesisyetap aineet—niito ko ki pootonyi; ak ki egu akwotisyegap pororyosyek. 4Ililan, Sidon, amu kang'alaal nyanjet, irimeetap nyanjet, kole: “Ma alabot anan asich lagok, ma aeet murenik anan aeet tipik.” 5Ye koit koroito Misiri, konyoor ng'wanindo agobo ng'aleegap Tyro. 6Olande oba Tarsis; orir, okweek che menyei ngeguut. 7Tos niito nganaseng'wong' ne boiboitos, ne kaatoretos eng' keny, ne ki ip keelyekyik komeny eng' emotinwek che loo? 8Ng'oo ne kaabwaati niito agaigai Tyro, ne igoochin kuutwek, che ki pounik chemung'arainikyik, che ki konyitotiin eng' ng'wony aldaikyik? 9Kwanda ne po kirwoogigap kipsengwet kaabwaati niito—si koyaach menateet tugul ne teegisto, si koming'in piik tugul che konyitotiin eng' ng'wony. 10Rootune emeng'ung' ko uu aineet, cheptap Tarsis; momi luuk kogeny. 11Kagochuul eunnyi kotokyi nyanjet; kaagaragen laitornatosyek. Kagong'at Kwandanyo ng'atuutyet agobo Kanaan si koeng'em irimoikyik.
12Kole, “Ma iboiboi kogeny, chepto ne pergeiya ne kang'aany, cheptap Sidon. Ng'eet, ilanda iba Kipro; ma inyooru sisiit kot eng' olooto.”
13Igeer emetap Babylonik! Chu ko piik che momiten kogeny; kagogoochi Assyria tyong'ik che po surkwen. Kagong'ot toweekwak che po lugeet, kagoreegune kooriikyik che eechen, koguber, kagoyai koek karotwek. a a v13 Eng' Kiheburania: Kaldaik — piik che ki laitorane Babylon ne po keny. 14Orir, okweek melisyegap Tarsis, amu kagong'em irimeeng'wong'. 15Eng' peetuunooto konaaksei Tyro kenyiisyek tisiptaman, ko uu sabeetap laitoryat agenge. Ye kobata kenyiisyek tisiptaman, egu kagesunetap Tyro ko uu tyenwetap chepkugoniot: 16“Nam kibugandet, ikosta nganaseet, chepkugoniot ne kagonaaksei; iput komyee, ityen tyenwogik che chaang', si kibwaatin.” 17Ye kobata kenyiisyek tisiptaman, koweekyi Kwandanyo koonyek kotokyi Tyro, ak koweekyingei melektanyi, koek chepkugoniot kobooto laitornatosyek tugul che po ng'wony eng' kurereet komugul. 18Ago keteganchi Kwandanyo keljinetnyi ak melektanyi koek che tiliil. Ma kekonor anan kekong'ooch; koba keljinetnyi ole mi piik che menyei eng' taitap Kwandanyo, si kobiit amitwogik che chaang' ak ngoroik che myach.