حئکمت اوجادان چاغیریر
بورادا حئکمت بئر شخصدئر، موتخصّئصلر آراسیندا ساخلانماقدان‌سا، هر کسئن اشئده بئله‌جه‌یی کوچه‌ده باغیریر. ددئیئنه گؤره پادشاهلار اونون واسئطه‌سی‌ائله حؤکم سورورلر، سونرا داها گِری گدئر: او، درئنلئکدن اوّل آتامیز طرفئندن دوغولوب، دونیا یارادیلارکن حاضیر ائدی، اونا و ائنسانلارا سوئنئردی.
8 1مگر حئکمت چاغیرمیر، فراست ده اؤز سَسئنی اوجالتمیر؟ 2یول بویو اوجا یرلرئن باشیندا، یوللارین قوووشدوغو یرده دایانیر. 3دروازه‌لرئن یانیندا، شهرئن گئرئشئنده، قاپیلارین آغزیندا اوجادان چاغیریر: 4«ای بوتون آداملار، سئزی چاغیریرام؛ سَسئم بوتون بشره چاتیر. 5ای ساده آداملار، زئرَکلئک اؤیره‌نئن؛ ای آخماقلار، آنلایان بئر اورَک قازانین. 6قولاق آسین، چونکی من نجئب شیلردن دانیشیرام، و ددئیئم هر شی دوزدور. 7آغزیم حقئقتی بیان ادر، چونکی دوداقلاریم شرارتدن ائیره‌نئر. 8آغزیمین بوتون سؤزلری صالحدئر؛ اونلارین هچ بئری تَرسه و یا اَیری دیئل. 9آنلایان آدام اوچون هامیسی آیدیندیر، بئلئک تاپانلار اوچون ده دوزدور. 10تعلئمئمی گوموشون یرئنه گؤتورون، بئلئیی ده سچمه قیزیلدان آرتیق، 11چونکی حئکمت یاقوتلاردان داها یاخشی‌دیر، ائسته‌دئیئن هچ بئر شی اونا تای اولا بئلمز.
12من، حئکمت، زئرَکلئکله ساکئن اولورام، و بئلئک و دوشونجه تاپیرام. a a v12 بورادا دانیشان حئکمت عئسادا تامام اولور، پولوس اونو تارینین حئکمتی آدلاندیریر — ۱قورئنتئان‌لارا ۱:۲۴، ۳۰. 13آتامیزدان قورخماق، پئسلئکدن نئفرت اتمکدئر. تکبّور و گوستاخلیقدان، پئس یولدان و تَرسه دانیشیقدان نئفرت ادئرم. 14مصلحت منئمدئر، شوعور ده منئمدئر؛ من فراستم؛ قووّت منئمدئر. 15منئم واسئطَمله پادشاهلار سلطنت ادرلر، حؤکمدارلار دا عادئل حؤکملر چیخاردارلار؛ 16منئم واسئطَمله اَمئرلر حؤکمرانلیق ادرلر، اعیانلار دا، حاکئملئک ادن هر کس، عدالتله. 17من سِوَنلری سوئرم، منی آختارانلار دا منی تاپارلار. 18منئمله ثروت و شرف وار، داوام‌لی دؤولت و عدالت. 19منئم بارئم قیزیلدان یاخشی‌دیر، خالئص قیزیلدان دا؛ یتئردئیئم ده سچمه گوموشدن اوستوندور. 20من صالحلئک یولوندا گَزئرم، عدالت طرئقلری بویو، 21منی سِوَنلره مال-دؤولتی مئراث کئمی ورئرم، خزئنه‌لرئنی ده دولدورورام.
22آتامیز منی اؤز یولونون باشلانیشیندا، قدئم ائشلرئندن قاباق دوغدو. b b v22 حئکمت — یعنی اوغول — دوغولدو، یارادیلمادی؛ او ازلدن آتامیزدندیر، هر شی یارادیلماقدان قاباق اونون حیاتینا شرئک‌دئر. 23ازلدن من برقرار اولدوم، باشلانیشدان، یر یارانماقدان قاباق. 24درئن سولار اولمایاندا من دوغولدوم، سویلا داشان بولاقلار اولمایاندا. 25داغلار یرلشدئرئلمکدن قاباق، تپه‌لردن قاباق، من دوغولدوم، 26او حله یری و اونون چؤللرئنی یاراتمامیشدی، دونیانین ائلک تورپاغینی دا. 27او گؤیلری اؤز یرئنده قوراندا، من اورادا ائدئم؛ درئنلئیئن اوزونه بئر دایره چکنده، 28یوخاریدا گؤیلری اؤز یرئنده قوراندا، درئنلئیئن بولاقلارینی برقرار ادنده، 29او دهنزه اؤز سرحدئنی قویاندا، اِله کی، سولار اؤز حدلرئندن کچمه‌سئنلر، یرئن بونؤوره‌لرئنی موعیّن ادنده، 30اوندا من اوستا بئر صَنَتگَر کئمی اونون یانیندا ائدئم، و هر گون اونون سوئنجی ائدئم، همئشه اونون قاباغیندا سوئنئردئم، c c v30 بعضی قدئم نسخه‌لر بورادا «اوستا صَنَتگَر» یرئنه «کئچئک اوشاق» اوخویورلار، حئکمتی آتانین یانیندا سوئنَن بئر اوشاق کئمی تصوئر ادئرلر. 31اونون بوتون دونیاسیندا سوئنئردئم، و ائنسان عایئله‌سئندن لذّت آلیردیم.
32ائندی، ای اؤولادلاریم، منه قولاق آسین: خوش او آداملارین حالینا کی، منئم یوللاریمی ساخلاییرلار. 33تعلئمه قولاق آسین و حکئم اولون؛ اونو ردّ اتمه‌یئن. 34خوش او آدامین حالینا کی، منه قولاق آسیر، هر گون منئم دروازالاریمدا گؤزله‌یئر، منئم قاپیمین یانیندا مونتَظئر اولور. 35چونکی منی تاپان هرکس حیاتی تاپیر و آتامیزدان لوطف آلیر. 36آمّا منی ائتئرن هرکس اؤز جانینا ضرر ورئر؛ مندن نئفرت ادنلرئن هامیسی اؤلومو سوئرلر.»
