آتانین قیلینجی فئلئسطئن اوستونه دوشور
آتامیزین سئلی شئمالدان فئلئسطئن اوستونه قالخیر، اِله قفلتن کی، آتالار اؤولادلاری اوچون گری دؤنمورلر. غَزّه و اَشقِلون یاس توتور. سون اولاراق قیلینجدان سوروشولور کی، نه واختا قدر دئنجَلمَیه‌جک، و جاواب بودور: حله امری اولدوغو مودّتجه دئنجَلمَیه‌جک.
47 1فئرعون غَزّه‌نی وورمامیشدان قاباق، فئلئسطلی‌لر حاقّیندا پیغمبر اِرِمیایا نازئل اولان آتامیزین سؤزو.
2بودور آتامیزین ددئیی: «باخ، شئمالدان سولار قالخیر، داشقین بئر سئل اولور. تورپاغی و اونداکی هر شیی، شهری و ساکئنلرئنی سئل باساجاق. خالق فریاد اده‌جک، اؤلکه‌ده یاشایان هر کس شیون اده‌جک. 3اونون آیغیرلارینین دؤیَن دیرناقلارینین سسئندن، دؤیوش عارابالارینین گورولتوسوندان و چرخلرئنئن گور سسئندن، آتالار اؤولادلارینا طرف دؤنمَیه‌جکلر، اَللری ده سوستالیب، 4بوتون فئلئسطلی‌لری محو اتمک اوچون گلن گونه گؤره، صور و صئدوندان کؤمک اِده بئلن هر صاغ قالانی کَسمک اوچون. چونکی آتامیز فئلئسطلی‌لری، کَفتور ساحئلئنده‌کی صاغ قالانلاری محو ادر. 5غَزّه یاس توتوب باشینی قیرخاجاق؛ اَشقِلون سوساجاق. ای اونلارین دره‌سئنئن صاغ قالانلاری، نه واختا قدر بدنئنئزه یارا ووراجاقسینیز؟ 6آه، آتامیزین قیلینجی! نه واختا قدر دئنجَلمَیه‌جکسن؟ اؤز قینینا قاییت؛ ساکئت اول و آرام اول. 7آمّا آتامیز اونا امر وردئیی حالدا، او نجه دئنجَله بئلر؟ اَشقِلونا و دهنز ساحئلئنه قارشی - اونو اورایا یؤنَلدئب.»
