Boueibü In Filistiabü Thüka Tuongda
Seneibü Boueibü dei napheinei longjung Filistiabü thüka yeilabü, tongde kibüei bousi shuongei jembü shousi shuong shanga asepeilabü. Gaza hoba Ashkelon haapda. In to, lalokche haksolabü dogo phekei, hoba jongaikei: kho la ngühkhüm ong kijinei kho ahaksolabü.
47 1Faraoei Gaza to ngümbü shaang, Filistiabü shanga seneibü Boueibü ngüh thuseibou Jeremia jungto loukei.
2seneibü Bouei hai lauda, “Chühashi, napheinei dei longjung, yungsen tegü yeilabü. Khonei kaodak hoba khünei kibü pendou, sangnyu hoba khünei kibü mütshuong küplepkulabü. Mütshuongei ngeklabü, hoba kaodaka kibü pendou wailetlabü. 3Haoeibü koli youmang paibü ngühlang ka, haoeibü kailong ngühlang hoba kailong you shouenbü ka, bousi shuongei jembü shousi shuong shanga asepeilabü, haoeneibü ik anoushongko kilabü; 4Filistiabü pendou mautila, Tair hoba Sidon ka thuila kibü joubü pendou wapan apla louko kibü chalou shanga. Aishanga seneibü Bouei Filistiabü, Kaftor yungko ka joubü shuong mautida. 5Gazaei manghaapbo jembü khu shuan aplabü; Ashkelon üangko phoyolabü. Kan haoeneibü yomang joubü shuong, kan lalokche kaneibü manga wapngaila? 6O seneibü Bou in! Nyi lalokche haksolabü? Kaibü shean to sepeiashi; sangsembo hoba sangmaia kishi. 7Lausikei seneibü Bouei kho la ngühkhüm kujinei, kho küman haksolabü? Ashkelon khulimbo hoba khei yungko khulimbo—khünei ae haoei kho hautikei.”
