Jeremiah 47

47 ¹Di word wey our Papa give Jeremiah di prophet about di Philistine people, before Pharaoh attack Gaza.

²Na dis be wetin our Papa talk: “Look, water dey rise from di north, e dey turn flood wey dey rush. Dem go flood di land and everything wey dey inside am, di city and di people wey dey there. Di people go cry out, and everybody wey dey live for di land go dey wail. ³Wen dem hear di sound of di leg of im strong horse dem dey pound ground, wen dem hear di noise of im chariot and di roar of im wheel dem, papa dem no go turn back to help dem pikin, dem hand go just dey hang weak, ⁴because of di day wey dey come to destroy all di Philistine people, to cut off from Tyre and Sidon every person wey survive wey fit help. Because our Papa dey destroy di Philistine people, di remnant wey remain from di coast of Caphtor. ⁵Gaza go shave im head as e dey mourn; Ashkelon go keep quiet. Una wey remain for dem valley, how long una go dey cut una body? ⁶Ah, sword of our Papa! How long e go take before you rest? Go back inside your cover; keep still and rest for peace. ⁷But how e go take rest wen our Papa don give am order? Against Ashkelon and against di seaside—na there im point am go.”