箴言 29

29 ¹屢次被責備仍然唔肯聽嘅人，必突然遭毀壞，無法醫治。 ²義人興旺，百姓就歡喜； 惡人掌權，百姓就哀歎。 ³愛慕智慧嘅人使佢父親歡喜， 但同妓女作伴嘅就浪費錢財。 ⁴君王秉行公義，就使國家 安定，但貪愛賄賂嘅就毀壞國家。 ⁵諂媚鄰舍嘅人， 係喺佢腳下張開網羅。 ⁶惡人被自己嘅罪纏住， 但義人歡唱喜樂。 ⁷義人關心窮人得公義， 但惡人並冇噉樣嘅明白。 ⁸好譏誚嘅人煽動 全城，但智慧人平息忿怒。 ⁹智慧人同愚昧人爭訟， 愚昧人又發怒又譏笑，全冇安寧。 ¹⁰好流人血嘅憎恨完全人，又想殺害正直人。 ¹¹愚昧人發盡佢一切嘅怒氣， 但智慧人抑制自己，保持鎮靜。 ¹²統治者若聽信謊言， 佢一切嘅臣僕都變成邪惡。 ¹³窮人同欺壓人嘅有一樣相同： 我哋嘅父使佢哋兩個嘅眼都能看見。 ¹⁴君王若憑公平審判窮人， 佢嘅王位必永遠堅立。 ¹⁵杖同責備嘅話能賜智慧， 但放任唔管嘅孩子使佢母親蒙羞。 ¹⁶惡人興旺，罪惡就增多， 但義人必看見惡人跌倒。 ¹⁷管教你嘅仔，佢就使你安寧；佢必使你心裏喜悅。 ¹⁸邊度冇啟示，百姓就放肆亂嚟， 但謹守律法嘅人就有福。 ¹⁹淨係用言語係唔能夠責正一個僕人嘅； 佢雖然明白，都唔肯服從。 ²⁰你見到一個講嘢急躁嘅人嗎？愚昧人都仲有多啲盼望過佢。 ²¹由細寵慣一個僕人，到最後佢就會變到好似繼承人一樣。 ²²好發怒嘅人挑起紛爭，暴躁嘅人多有罪過。 ²³人嘅驕傲使佢降卑， 但心靈謙卑嘅必得尊榮。 ²⁴ 同賊人同夥嘅，係佢自己嘅仇敵；佢聽到咒詛都唔出聲。 ^a a v24 呢個「咒詛」係一個公開嘅誓言，要求凡係目擊罪案嘅人都要出嚟作證。 ²⁵懼怕人嘅就陷入網羅， 但凡係倚靠我哋嘅父嘅必得安穩。 ²⁶好多人求統治者嘅恩寵， 但人得公義係嚟自我哋嘅父。 ²⁷不義嘅人係義人所憎惡嘅， 正直嘅人係惡人所憎惡嘅。