Kot Te Prokash Nai
Raja khan, khong aru bacha khan laga kotha. Jitia dharmik manuh khan barhi jai, manuh khan khushi hoi, aru jitia dusht manuh raj kore, manuh khan dukh pora karahe. Murkho tai laga sob khong ulai diye, aru jaldi kotha kora manuh murkho pora bhi beya ase. Jun jagate prokash nai, manuh khan bekabu hoi jai.
29 1Kun manuh ke bar-bar thik kori diya hoile bhi tai huni bole mana kore, taike achanak bhangai dibo aru changai hobo naparibo. 2Dharmik khan dangor hoi uthile, manuh khan khushi hoi, kintu paapi khan raj korile, manuh khan kraha kore. 3Gyaan ke morom kora manuh pora tar pitri ke khushi diye, kintu bessa khan laga sathi pora tar dhun nosto kore. 4Niyai pora ekjon raja pora desh ke thir kori diye, kintu ghush nimite lalchi kora manuh pora etu bhangai diye. 5Tar ghor-usorte thaka manuh ke misa tarif kora manuh pora tar theng nimite jaal patai diye. 6Ekjon dusto manuh tar nijor paap pora phanda te pore, kintu dharmik khan git gai aru khushi kore. 7Dharmik khan dukhiya manuh khan laga niyai nimite chinta kore, kintu paapi khan logote eneka gyaan nai. 8Thatta kora khan pora ekta sheher ke jui lagai diye, kintu gyaani khan pora khong ke thanda kore. 9Ekjon gyaani manuh ekjon murkho logote adalot te jaile, murkho tu khong kore aru thatta kore, aru shanti nai. 10Khoon kori bole mon thaka khan pora dosh nathaka manuh ke ghin kore aru sidha manuh ke morai dibole bisare. 11Ekjon murkho pora tar sob khong ulai diye, kintu ekjon gyaani manuh pora etu rukhai kene nijorke thanda rakhe. 12Jodi ekjon raj-korta pora misa kotha hune, tene hole tar sob kaam-kora khan paapi hoi jai. 13Dukhiya manuh aru dukh diya manuh, duijon te eneka ekta mil ase: amar Pitri pora duijon laga suku ke dekha bole diye. 14Jodi ekjon raja pora dukhiya khan ke thik niyai pora bisar kore, tene hole tar singhason hodai nimite thir thakibo. 15Lathi aru thik kora kotha pora gyaan diye, kintu nijor itcha te chari diya bacha pora tar ama ke sorom diye. 16Paapi khan dangor hoile, biya kaam bhi bare, kintu dharmik khan pora paapi khan laga giri jua dekhibo. 17Tumar putro ke sikhai dibi, aru tai tumike shanti dibo; tai tumar mon ke khushi dibo. 18Kot te prokash nai, ta te manuh khan beisa-besi kore, kintu niyom mana manuh dhonyo ase. 19Ekjon noukar ke khali kotha pora thik koribo napare; tai bujhile bhi, tai manibo nai. 20Tumi tar kotha te joldi kora manuh ke dikhe na? Tai pora bhi ekjon murkho nimite bisi asha ase. 21Ekjon noukar ke choto pora adar kori rakhile, hekh te tai uttoradhikari nisina hoi jabo. 22Khong kora manuh pora jhagara uthai diye, aru joldi khong kora manuh pora bisi paap kore. 23Manuh laga ahankar pora taike niche kori diye, kintu niche mon thaka atma pora sonman pai. 24Chor laga sathi tai nijor dushman ase; tai shrap huni le bhi eku nakoi. a a v24 'Shrap' tu ekta khula kosom ase, jun pora etu golti dekha manuh ke agete ahi kene gawahi dibole koi. 25Manuh ke bhoi kora pora phanda patai diye, kintu kun manuh amar Pitri uppor te biswas kore, taike bachai rakhe. 26Bisi manuh raj-korta laga morom bisare, kintu manuh nimite niyai amar Pitri pora ahe. 27Niyai nathaka manuh dharmik khan nimite ghin lagi jai, aru sidha manuh paapi khan nimite ghin lagi jai.