Kikesa mu ngisa ya Titi
Titi wátula ku Masetwani ni musamu, amana bweya bwa Pholu bwázukuka. Mukanda wandi wa kiwayi wábanata kiwayi, amana wásoba ndambu mbundu mu kuwuheka, kaasi kiwayi kyábabalula. Kiwayi kina Tata wetu kazodi kisi nata tsobuka ya mbundu yina ka mutu ku kasoba mbundu. Wázonza ha phwelele ni wubasidila diaka lukwikilu.
7 1Yi hana ni, batondama, bu thwena yi bilangi byabi, tudisemisenu mu mvindu yosu ya lutu yi kitembu, tulungisenu kuditomisa mu bweya bwa Tata wetu.
2Lutuhanenu fulu mu mbundu zenu. Ka mutu ku twáhanga mbi, ka mutu ku twábebisa, ka mutu ku twáhuna. 3Yisi zimbwala bwabu kikuma kya kufundisa benu. Yázimbula theti: lwenina mu mbundu zetu, mu kufwa yi kuzinga hakimosi. 4Yenina yi kikumbwala kya lawu kikuma kya benu, yisi bunda thulu kya lawu kikuma kya benu. Yabasa yi kikesa, kyesi kyama kyalútuka kuhita mu biwayi byetu byosu.
5Ata buna twátula ku Masetwani, bodi yetu yázíngilaku; twákala nyokuna mu makheti moosu, tendana ku phenza, bweya mu kati. 6Kaasi Tata wetu, wuna wisi heka kikesa kwena babana ba kiphutu, wátuheka kikesa mu ngisa ya Titi. 7Ka mu ngisa yandi kaka ku, kaasi mu kikesa kina kátambula kikuma kya benu—watúsamwani nzoluka yenu, kiwayi kyenu, zangi dyenu kikuma kya meni—buna yalútuka sangwala.
8Ata mukanda wama waluhekele kiwayi, yisi soba mbundu ku—ata yásoba mbundu, kikuma yimweni ni mukanda wuna waluhekele kiwayi, ata mu tangwa dya khunda kaka. 9Bwabu yisi sangwala—ka kikuma lwáyuka kiwayi ku, kaasi kikuma kiwayi kyenu kyánata tsobuka ya bikalulu. Lwáyuka kiwayi bwosu buna Tata wetu wisi zola, buna lwayukaku keti ndunza kwena betu. 10Mukuma kiwayi kina kyenina mu luzolu lwa Tata wetu kyisi nata tsobuka ya bikalulu ku luhulusu, konda soba mbundu; kaasi kiwayi kya tsi yayi kyisi nata lufwa. 11Talenu bina kiwayi kyaki kya mu luzolu lwa Tata wetu kyábuta mwena benu: khwakasu, nzoluka ya kudizonzila, kusidikila, bweya, nzoluka, zangi, kuyidika mu masonga! Mu mambu moosu lwámonikisa benu meni ni lwenina ba kasemi mu dyambu dyadi. 12Ata yálusonika, kyákalaku kikuma kya wuna wáhanga mbi, kondi kikuma kya wuna báhanga mbi, kaasi ndangu wengele yenu kikuma kya betu yámonika kwena benu ku thwala ya Tata wetu. 13Kikuma kya bwabuna tubongidini kikesa. Hana thandu ya kikesa kyetu betu meni, twalútuka sangwala kikuma kya kyesi kya Titi, mukuma benu boosu lwálembiki kitembu kyandi. 14Mana yábunda thulu kwena yandi kikuma kya benu, yákwatukuku tsoni. Bwosu buna mambu moosu mana twáluzimbwala mákala ma kyedika, mutindu mosi phi kubunda thulu kwetu ku thwala ya Titi kwámonika kwa kyedika. 15Mbundu yandi kikuma kya benu yilutini kuhita, bu kayubuki buna benu boosu lwálemvuka, bu lwátambwasa yandi yi bweya yi matekita. 16Yisi sangwala, mukuma mu mambu moosu yenina yi kikumbwala kyalungila kikuma kya benu.
