MʼAgya, Mʼahoɔden

Ma nnwontofo panyin. Dawid, yɛn Agya akoa, dwom; ɔtoo saa nsɛm yi kyerɛɛ yɛn Agya da a wogyee no fii nʼatamfo nyinaa nsam ne Saul nsam no.

Bere a wogyee no fii Saul nsam akyi no, Dawid ka asɛm no nyinaa. Na owu nhama retwe no akɔmem, na ne su maa n'Agya sian fii soro faa mframa so, wɔ wusiw ne amparaboɔ mu, bɛtwee no fii nsu dɔkɔɔ mu, de no sii sorosoro mmeae.

Ti 18.

Medɔ wo, mʼAgya, mʼahoɔden. MʼAgya ne me botan ne mʼaban ne me gyefo; mʼAgya, me botan a meguan kɔ ne mu, me kyɛm ne me nkwagye ahoɔden, mʼabandennen. Mefrɛ mʼAgya a ɔfata ayeyi no, na wogye me fi mʼatamfo nsam.

Owu ahama twaa me ho hyiae; ɔsɛe nsuworoso bu faa me so. Damoa ahama kyekyeree me; owu mfiri hyiaa me. Me ahohiahia mu no, mefrɛɛ mʼAgya; mesu frɛɛ mʼAgya sɛ ɔmmoa me. Ofi nʼasɔredan mu tee me nne, na me su a mesu kyerɛɛ no no duu nʼasom.

Afei asase wosoe na ɛhinhimii; mmepɔ fapem popoe na ɛwosowosoe, efisɛ ne bo fuwii. Wusiw foro fii ne hwene mu, na ogya a ɛsɛe ade fii nʼano; nnyansramma a ɛredɛw tɔɔ fii ne mu. Ɔbrɛɛ ɔsoro ase sianee; sum kabii daa ne nan ase. Ɔtenaa kerub bi so tuu kɔe; ɔnam mframa ntaban so tuu kɔɔ sorosoro. Ɔde sum yɛɛ ne nkata, ne ntamadan a atwa ne ho ahyia— nsu tuntum ne ewim mununkum kabii. Ne mununkum pae fii hann a ɛwɔ nʼanim no mu, a amparamma ne gya nnyansramma ka ho. MʼAgya nso bɔɔ apranaa wɔ ɔsoro, na Ɔsorosoroni no maa ne nne so, a amparamma ne gya nnyansramma ka ho. Ɔtoo nʼagyan bɔɔ wɔn apetepete; ɔtoo anyinam bɔɔ wɔn basabasa. Afei wohuu po ase nsuten, na wiase fapem daa adi wʼanimka nti, mʼAgya, wo hwene mu home a ɛbɔ den no nti.

Ofi soro teɛɛ ne nsa sɔɔ me mu; ɔtwee me fii nsu akɛse mu. Ogyee me fii me tamfo a ɔyɛ den no nsam, fii wɔn a wɔtan me no nsam, efisɛ na wɔyɛ den sen me. Wɔtoaa me wɔ me amanehunu da no, nanso mʼAgya gyinaa mʼakyi. Ɔde me baa baabi a ɛtrɛw; ogyee me, efisɛ nʼani gyee me ho.

MʼAgya ne me dii sɛnea me trenee te; ɔde mʼakatua maa me sɛnea me nsa ho te. Efisɛ madi mʼAgya akwan so, na mamfa amumɔyɛ antwe me ho amfi mʼAgya ho. Efisɛ ne mmara nyinaa daa mʼanim, na mamfa ne nhyehyɛe angu nkyɛn. Me ho nnii asɛm wɔ nʼanim, na mekoraa me ho fii bɔneyɛ ho. Enti mʼAgya de mʼakatua ama me sɛnea me trenee te, sɛnea me nsa ho te wɔ nʼani so.

Nokwafo no, woda wo ho adi kyerɛ wɔn sɛ nokwafo; wɔn a wɔn ho nni asɛm no, woda wo ho adi kyerɛ wɔn sɛ wo ho nni asɛm; wɔn a wɔn ho tew no, woda wo ho adi kyerɛ wɔn sɛ wo ho tew, nanso nnipa kontonkyi no, woda wo ho adi kyerɛ wɔn sɛ onitefo. Efisɛ wugye nnipa ahobrɛasefo nkwa, nanso ahantanfo aniwa no, wobrɛ ase. Efisɛ wo na wosɔ me kanea; mʼAgya ma me sum dan hann. Efisɛ wo mmoa so na mitumi tow hyɛ asraafo dɔm bi so, na mʼAgya mmoa so na mitumi huruw twa ɔfasu.

MʼAgya de—ne kwan yɛ pɛ; mʼAgya asɛm yɛ nokware pɛpɛɛpɛ; ɔyɛ kyɛm ma wɔn a wɔguan kɔ ne mu nyinaa. Efisɛ hena ne yɛn Agya, sɛ ɛnyɛ mʼAgya a? Na hena ne botan, sɛ ɛnyɛ yɛn Agya a? MʼAgya na ɔde ahoɔden hyɛ me mu na ɔma me kwan yɛ pɛ. Ɔma me nan yɛ sɛ ɔforote nan na ɔma megyina dinn wɔ sorɔnsorɔmmea. Ɔtete me nsa ma ɔko, sɛnea ɛbɛyɛ a me basa betumi akuntun kɔbere bɛmma. Wode wo nkwagye kyɛm ama me; wo nsa nifa so me mu, na wo brɛoo ama mayɛ kɛse. Wotrɛw baabi ma me anammɔn wɔ mʼase, na me nan nwatiri.

Metaa mʼatamfo kɔtoo wɔn; mansan mʼakyi kosii sɛ wɔsɛee koraa. Mebɔɔ wɔn hwee fam maa wɔantumi ansɔre; wɔtotɔɔ me nan ase. Wode ahoɔden hyɛɛ me mu maa ɔko no; womaa wɔn a wɔsɔre tiaa me no totɔɔ me nan ase. Womaa mʼatamfo danee wɔn akyi kyerɛɛ me, na wɔn a wɔtan me no, mesɛee wɔn. Wɔteɛɛm pɛɛ mmoa, nanso na obiara nni hɔ a obegye wɔn; wɔsu frɛɛ mʼAgya, nanso wammua wɔn. Mebɔɔ wɔn mu nketenkete sɛ mfutuma a mframa bɔ; mehwiee wɔn gui sɛ mmɔnten so dɔte. Wogyee me fii nnipa no ntawntawdi mu; woyɛɛ me amanaman no ti; nnipa a na minnim wɔn no som me seesei. Bere a wɔte me ho asɛm ara pɛ no, wotie me; ahɔho bɛbrɛ wɔn ho ase wɔ mʼanim. Ahɔho abam bu na wɔde ahopopo fi wɔn abandennen mu ba.

MʼAgya te ase! Nhyira nka me botan, na wɔmma Agya a ogye me nkwa no so, Agya a odi me bem na ɔde aman hyɛ me nan ase no, a ogyee me fii mʼatamfo nsam no. Yiw, wopagyaa me korɔn sen wɔn a wɔsɔre tiaa me no; wogyee me fii ɔbarima basabasayɛfo no nsam. Enti mɛkamfo wo, mʼAgya, wɔ amanaman mu, na mato ayeyi nnwom ama wo din.

Ɔde nkonimdi akɛse ma ne hene, na ɔda nʼapam mu adɔe adi kyerɛ nea wasra no no, kyerɛ Dawid ne nʼasefo daa.