Ithe Wakwa, Hinya Wakwa

Nĩ ya mũtongoria wa ũini. Ya Daudi, ndungata ya Ithe witũ, ũrĩa waainĩire Ithe witũ ciugo ici mũthenya ũrĩa aahonokirio kũrĩ thũ ciake ciothe na kũrĩ guoko kwa Saũlũ.

Thuutha wa kũhonokio kuuma kũrĩ Saũlũ, Daudi nĩataarĩria ũhoro wothe. Aarĩ o kũrĩmĩra mĩkandainĩ ya gĩkuũ, nakĩo gĩkayo gĩake gĩgĩikũrũkia Ithe wake kuuma igũrũ arĩ rũhuhoinĩ, arĩ ndogoinĩ na mbura ya mahiga, nĩguo amũrute maaĩinĩ mariku na amũhaande kũndũ gũtũũgĩru.

Gĩcunjĩ 18.

Nĩngwendete, wee Ithe wakwa, hinya wakwa. Ithe wakwa nĩ we ihiga rĩakwa na kĩirigo gĩakwa na mũhonokia wakwa; Ithe wakwa, ihiga rĩakwa, ũrĩa njĩhithaga harĩ we, ngo yakwa, na hinya wakwa wa ũhonokio, kĩĩhitho gĩakwa kĩrĩa kĩrũmu. Nĩngayagĩra Ithe wakwa, ũrĩa wagĩrĩirwo nĩ kũgoocwo, na niĩ ngahonokio kũrĩ thũ ciakwa.

Mĩhĩndo ya gĩkuũ nĩyaanjirigĩire; mĩiyũro ya mwanangĩko ĩkĩĩhumbĩra. Mĩhĩndo ya mbĩrĩra nĩyaandigiicĩire; mĩtego ya gĩkuũ ĩkĩĩtũnga. Thĩinĩ wa mĩnyamaro yakwa nĩndakaĩire Ithe wakwa; ngĩrĩrĩra Ithe wakwa andeithie. Arĩ hekarũinĩ yake nĩaiguire mũgambo wakwa, naguo mũkayo wakwa ũgĩkinya matũinĩ make.

Hĩndĩ ĩyo thĩ ĩkĩenyenya na ĩgĩthingitha; mĩthingi ya irĩma ĩkĩinaina na ĩgĩthethema, tondũ nĩaarakarĩte. Ndogo ĩkĩambata yumĩte maniũrũinĩ make, naguo mwaki wa kũniina ũkiuma kanuainĩ gake; makara maakanĩte makĩakana moimĩte harĩ we. Nĩainamirie igũrũ agĩikũrũka; nduma ndumanu yarĩ rungu rwa magũrũ make. Nĩaahaicire ikerubi akĩũmbũka; akĩũmbũka arĩ mathaguinĩ ma rũhuho. Nĩatuire nduma kĩhumbĩri gĩake, hema yake ĩmũthiũrũrũkĩirie—maaĩ marĩ nduma na matu matumanu ma igũrũ. Kuuma ũtheriinĩ ũrĩa warĩ mbere yake, matu make makĩaturĩka, hamwe na mbura ya mbembe na makara ma mwaki. Ithe wakwa o nake nĩaararamire arĩ igũrũ, nake Ũrĩa-ũrĩ-Igũrũ-Mũno akĩanĩrĩra na mũgambo wake, hamwe na mbura ya mbembe na makara ma mwaki. Nĩaikĩirie mĩguĩ yake akĩmahurunja; akĩikia rũheni akĩmaingata. Hĩndĩ ĩyo mĩkaro ya iria ĩkĩoneka, nayo mĩthingi ya thĩ ĩkĩguũrio nĩ ũndũ wa ikũũma rĩaku, wee Ithe wakwa, nĩ ũndũ wa mĩhũmũ ya maniũrũ maku.

Nĩatambũrũkirie guoko kuuma igũrũ akĩĩnyiita; akĩĩruta thĩinĩ wa maaĩ marĩa manene. Nĩaahonokirie kũrĩ thũ yakwa ĩrĩa ĩrĩ hinya, kũrĩ arĩa maathũire, nĩgũkorwo maarĩ na hinya kũngĩra. Nĩmaanjĩhĩngĩire mũthenya wa mwanangĩko wakwa, no Ithe wakwa nĩwe warĩ mũtiiri wakwa. Nĩaandutire akĩndwara handũ haariĩ; akĩĩhonokia, tondũ nĩanjendete.

Ithe wakwa nĩanjĩkĩire kũringana na ũthingu wakwa; kũringana na ũtheru wa moko makwa nĩandĩhire. Nĩgũkorwo nĩnũmĩtie njĩra cia Ithe wakwa, na ndirĩ ndahutatĩra Ithe wakwa na waganu. Nĩgũkorwo matuĩro make mothe maarĩ mbere yakwa, na ndiatiganĩirie irĩra ciake cia watho. Ndaarĩ mũtarĩ ũcuuke mbere yake, na ngĩĩmenyerera kũrĩ ũũru. Nĩ ũndũ ũcio Ithe wakwa nĩandĩhĩte kũringana na ũthingu wakwa, kũringana na ũtheru wa moko makwa maithoinĩ make.

Harĩ ũrĩa mwĩhokeku wĩonanagia ũrĩ mwĩhokeku; harĩ ũrĩa mũtarĩ ũcuuke wĩonanagia ũrĩ mũtarĩ ũcuuke; harĩ ũrĩa mũtheru wĩonanagia ũrĩ mũtheru, no harĩ ũrĩa mũogomu wĩonanagia ũrĩ mũũgĩ. Nĩgũkorwo wee nĩũhonokagia andũ arĩa enyiihia, no maitho ma mwĩtĩĩo nĩũmanyiihagia. Nĩgũkorwo nĩwe wakagia tawa wakwa; Ithe wakwa nĩatheragia nduma yakwa. Nĩgũkorwo nĩ ũndũ waku no hote gũtharĩkĩra mbũtũ ya ita, na nĩ ũndũ wa Ithe wakwa no hote kũrũga rũthingo.

Ha ũhoro wa Ithe wakwa—njĩra yake nĩnginyanĩru; kiugo kĩa Ithe wakwa nĩ kĩa ma; nĩ we ngo ya arĩa othe mehithaga harĩ we. Nĩgũkorwo nũũ ũngĩ ũrĩ Ithe witũ tiga Ithe wakwa? Na nũũ ũrĩ ihiga tiga Ithe witũ? Nĩ Ithe wakwa ũrĩa ũũheaga hinya, na agatũma njĩra yakwa ĩkinyanĩre. Nĩatũmaga magũrũ makwa matuĩke ta magũrũ ma thwariga, na akaandũgamia wega kũndũ kũrĩa gũtũũgĩru. Nĩarutaga moko makwa mbaara, nĩgeetha moko makwa mahote kũgeeta ũta wa gĩcango. Nĩũũheete ngo ya ũhonokio waku; guoko gwaku kwa ũrĩo nĩkũndiiragĩrĩra, naguo ũhooreri waku nĩũtũmĩte nduĩke mũnene. Nĩwaramagia handũ ha makinya makwa rungu rwakwa, namo magũrũ makwa matingĩtenderũka.

Nĩndatengʼeririe thũ ciakwa ngĩcikinyĩra; ndiacookire na thuutha nginya rĩrĩa ciathirire. Nĩndacigũthire itigĩhota gũũkĩra; ikĩgũa rungu rwa magũrũ makwa. Nĩwaaheire hinya wa mbaara; nĩwatũmire arĩa maanjũkĩrĩire magũe rungu rwa magũrũ makwa. Nĩwatũmire thũ ciakwa iinyihũgũre ciũre, na arĩa maathũire nĩndamaniinire. Nĩmakaĩire mateithio, no gũtiarĩ mũndũ wa kũmahonokia; magĩkaĩra Ithe wakwa, no ndaamacookeirie. Nĩndamahũũrire magĩtuĩka ta rũkũngũ mbere ya rũhuho; ngĩmaita ta ndaka ya njĩrainĩ. Nĩwaahonokirie kũrĩ ngũĩ ya andũ; nĩwanduire mũtwe wa ndũũrĩrĩ; andũ itaamenyete rĩu nĩmandungatagĩra. O rĩrĩa maaigua ũhoro wakwa, nĩmanjathĩkagĩra; ageni mokaga kũrĩ niĩ menyiihĩtie. Ageni nĩmoragwo nĩ hinya, makoima ciĩhithoinĩ ciao makĩinainaga.

Ithe wakwa nĩ muoyo! Ihiga rĩakwa nĩrĩgoocwo, na atũũgĩrio Ithe ũrĩa ũũhonokagia, Ithe ũrĩa ũũtuagĩra ciira na kĩhooto, na agatooria ndũũrĩrĩ agaciiga rungu rwakwa, ũrĩa waahonokirie kũrĩ thũ ciakwa. Ĩĩ, nĩwandũgĩririe igũrũ rĩa arĩa maanjũkĩrĩire; nĩwaahonokirie kũrĩ mũndũ ũrĩa wa ũhinya. Nĩ ũndũ ũcio nĩngũkũgooca, wee Ithe wakwa, ndũũrĩrĩinĩ, na nyinĩre rĩĩtwa rĩaku nyĩmbo cia kũgooca.

Nĩaheaga mũthamaki wake ũhootani mũnene, na akoonania wendo wa kĩrĩĩkanĩro kũrĩ ũrĩa wake mũitĩrĩrie maguta, harĩ Daudi na rũciaro rwake nginya tene na tene.