Yɛn Agya Kasa
Yɛn Agya ankasa ka nsɛm du no, na ɔmfi ase mfa ahyɛde, na mmom nea ɔyɛ: nea oyii wɔn fii nkoasom mu no. Nokwaredi, din, homenna, awofo, nkwa, aware, agyapade, nokware, akɔnnɔ. Nkurɔfo no srɛ Mose sɛ ontie mma wɔn, na ɔkɔ esum kabii no mu.
Yɛn Agya kasa wɔ nkyekyɛmu ahorow 2–17, 22–26
20 1Afei yɛn Agya kaa nsɛm yi nyinaa se:
2“Mene wʼAgya a meyii wo fii Misraim asase so, fii nkoasom fi mu no.
3“Nni anyame foforo biara wɔ mʼanim.
4“Nnyɛ ohoni a wɔasen mma wo ho, anaa biribiara a ɛte sɛ nea ɛwɔ ɔsoro atifi, anaa nea ɛwɔ asase so fam, anaa nea ɛwɔ nsu a ɛwɔ asase ase no mu. 5Nkotow wɔn, na nsom wɔn; efisɛ me, wʼAgya, meyɛ Agya a mewɔ ninkunu, na mede awofo bɔne ba mma so kosi wɔn a wɔtan me no awo ntoatoaso a ɛto so abiɛsa ne anan so, 6nanso mekyerɛ mpempem a wɔdɔ me na wodi me mmara nsɛm so no apam mu adɔe.
7“Mmɔ wʼAgya din kwa, efisɛ yɛn Agya remmu obiara a ɔbɔ ne din kwa no bem.
8“Kae Homeda no, sɛ wobɛyɛ no kronkron. 9Nna asia na wobɛyɛ adwuma, na woawie wo nnwuma nyinaa, 10nanso da a ɛto so ason no yɛ Homeda ma wʼAgya. Nnyɛ adwuma biara da no—wo, wo babarima, wo babea, wʼakoa anaa wʼafenaa, wo mmoa, anaa ɔhɔho a ɔte wʼapon mu. 11Efisɛ nna asia mu na yɛn Agya yɛɛ ɔsoro, asase, ɛpo ne nea ɛwɔ mu nyinaa, na afei ɔhomee da a ɛto so ason no; enti yɛn Agya hyiraa Homeda no, na ɔyɛɛ no kronkron.
12“Di wʼagya ne wo na ni, sɛnea ɛbɛyɛ a wo nna bɛware wɔ asase a wʼAgya de rema wo no so.
13“Nni awu.
14“Nsɛe aware.
15“Mmɔ korɔn.
16“Nni wo yɔnko ho adansekurum.
17“Nni wo yɔnko fi ho akɔnnɔ. Nni wo yɔnko yere ho akɔnnɔ, anaa nʼakoa anaa nʼafenaa, ne nantwi anaa nʼafurum, anaa biribiara a ɛyɛ wo yɔnko dea.”
18Nnipa no nyinaa huu aprannaa no, anyinam a ɛbɔe no, torobɛnto nnyigyei no ne bepɔ no sɛ ɛrewusiw. Bere a wohuu no no, wɔpopoe, na wogyinaa akyirikyiri.
19Wɔka kyerɛɛ Mose se, “Wo ara kasa kyerɛ yɛn, na yɛbɛtie. Nanso mma yɛn Agya nkasa nkyerɛ yɛn, anyɛ saa a, yebewu.”
20Mose ka kyerɛɛ nnipa no se, “Munnsuro; yɛn Agya aba sɛ ɔrebɛsɔ mo ahwɛ, sɛnea ne ho suro bɛtena mo mu, na morenyɛ bɔne.” 21Nnipa no gyinaa akyiri, bere a Mose bɛn sum kabii a yɛn Agya wɔ mu no.
Mose Bɛn
22Afei yɛn Agya ka kyerɛɛ Mose se, “Ka kyerɛ Israelfo se: Mo ankasa ahu sɛ mefi ɔsoro na makasa akyerɛ mo. 23Mommfa dwetɛ nyɛ anyame nka me ho, na mommfa sikakɔkɔɔ nyɛ anyame mma mo ho. 24Momfa dɔte nsi afɔremuka mma me, na mommɔ mo ɔhyew afɔre ne mo asomdwoe afɔre, mo nguan ne mo anantwi, wɔ so. Baabiara a mɛma wɔakae me din no, mɛba mo nkyɛn abehyira mo. 25Sɛ mode abo si afɔremuka ma me a, mommfa abo a moatwa nsi, efisɛ mo adwinnade a mode bɛbɔ so no gu ho fi. 26Mommfa atrapoe so nforo nkɔ mʼafɔremuka so, sɛnea mo adagyaw renna adi wɔ so.”
