ዘፀአት 20

20 ¹ከዚያም አባታችን ይህን ሁሉ ቃል ተናገረ፦

²“ከግብፅ ምድር፣ ከባርነት ቤት ያወጣሁህ አባትህ እኔ ነኝ።

³“ከእኔ በቀር ሌሎች አማልክት አይኑሩህ።

⁴“በላይ በሰማይ፣ በታች በምድር፣ ወይም ከምድር በታች በውሃ ውስጥ ያለውን የማናቸውንም ነገር ምስል የተቀረጸ ጣዖት ለራስህ አታድርግ። ⁵ለእነርሱ አትስገድ፤ አታምልካቸውም፤ እኔ አባትህ ቀናተኛ አባት ነኝና፤ የሚጠሉኝን የአባቶችን ኀጢአት እስከ ሦስተኛውና እስከ አራተኛው ትውልድ ድረስ በልጆቻቸው ላይ አመጣለሁ፤ ⁶ለሚወድዱኝና ትእዛዛቴን ለሚጠብቁ ግን እስከ ሺሕ ትውልድ ድረስ የኪዳን ፍቅር አሳያለሁ።

⁷“የአባትህን ስም በከንቱ አትጥራ፤ አባታችን ስሙን በከንቱ የሚጠራውን ከበደል ነጻ አያደርገውምና።

⁸“የሰንበትን ቀን ትቀድሰው ዘንድ አስብ። ⁹ስድስት ቀን ትደክማለህ፤ ሥራህንም ሁሉ ትሠራለህ፤ ¹⁰ሰባተኛው ቀን ግን ለአባትህ ሰንበት ነው። በእርሱ ምንም ሥራ አትሥራ፤ አንተም፣ ወንድ ልጅህም፣ ሴት ልጅህም፣ ወንድ ባሪያህም፣ ሴት ባሪያህም፣ ከብትህም፣ በደጆችህም ውስጥ ያለ መጻተኛም። ¹¹አባታችን በስድስት ቀን ሰማይን፣ ምድርን፣ ባሕርን፣ በእነርሱም ውስጥ ያለውን ሁሉ ሠርቶ በሰባተኛው ቀን ዐረፈና፤ ስለዚህ አባታችን የሰንበትን ቀን ባረከ፤ ቀደሰውም።

¹²“አባትህን ና እናትህን አክብር፤ አባትህ በሚሰጥህ ምድር ዕድሜህ ይረዝም ዘንድ።

¹³“አትግደል።

¹⁴“አታመንዝር።

¹⁵“አትስረቅ።

¹⁶“በባልንጀራህ ላይ በሐሰት አትመስክር።

¹⁷“የባልንጀራህን ቤት አትመኝ። የባልንጀራህን ሚስት፣ ወንድ ባሪያውን ወይም ሴት ባሪያውን፣ በሬውን ወይም አህያውን፣ ወይም የባልንጀራህ የሆነውን ማናቸውንም ነገር አትመኝ።”

¹⁸ሕዝቡም ሁሉ ነጎድጓዱን፣ የመብረቁን ብልጭታ፣ የመለከቱን ድምፅ፣ ተራራውንም ሲጢስ አዩ። ይህን ባዩ ጊዜ ተንቀጠቀጡ፤ በሩቅም ቆሙ።

¹⁹ሙሴንም፣ “አንተ ተናገረን፤ እኛም እንሰማለን። አባታችን ግን አይናገረን፤ አለዚያ እንሞታለን” አሉት።

²⁰ሙሴም ሕዝቡን፣ “አትፍሩ፤ አባታችን ሊፈትናችሁ መጥቷል፤ ፍርሃቱም ከእናንተ ጋራ ይኖር ዘንድ፣ እናንተም ኀጢአት እንዳትሠሩ ነው” አላቸው። ²¹ሕዝቡ ርቀው ቆሙ፤ ሙሴ ግን አባታችን ወደ ነበረበት ጭጋጋማ ጨለማ ቀረበ።

ሙሴ ቀረበ

²²ከዚያም አባታችን ሙሴን እንዲህ አለው፤ “ለእስራኤላውያን እንዲህ ንገራቸው፦ ከሰማይ ሆኜ ከእናንተ ጋራ እንደ ተናገርኋችሁ ራሳችሁ አይታችኋል። ²³ከእኔ ጋራ የሚቆሙ የብር አማልክት አታድርጉ፤ የወርቅ አማልክትም ለራሳችሁ አትሥሩ። ²⁴ከመሬት መሠዊያ ሥራልኝ፤ በእርሱም ላይ የሚቃጠለውን መሥዋዕትህን ና የደኅንነትህን መሥዋዕት፣ መንጎችህንና ከብቶችህን አቅርብ። ስሜ የሚታሰብበት ስፍራ ሁሉ ወደ አንተ እመጣለሁ፤ እባርክህማለሁ። ²⁵የድንጋይ መሠዊያ ብትሠራልኝ፣ በተጠረቡ ድንጋዮች አትሥራው፤ በእርሱ ላይ መሣሪያህን ማንሣትህ ያረክሰዋልና። ²⁶ኀፍረተ ሰውነትህ በእርሱ ላይ እንዳይገለጥ፣ ወደ መሠዊያዬ በመሰላል አትውጣ።”