ዳዊት ካብ በዓቲ ይጠርዕ
ናይ ጥበብ መዝሙር ዳዊት፥ ኣብ በዓቲ ኣብ ዝነበረሉ እዋን። ፀሎት።
ዳዊት ኣብ በዓቲ ይፅሊ፥ ፍፁም በይንነቱ ኸዓ ይገልፅ፦ ናብ የማነይ ጠሚትካ ረአ፥ ዝፈልጠኒ ሰብ የለን፥ መዕቘቢ ኣይተረፈለይን፥ ብዛዕባ ህይወተይ ግዲ ዝገብር የለን። ንኣቦኡ ኣብ ምድሪ ህያዋን ግዱ ኢሉ ይፅውዖ፥ ካብ ቤት ማእሰርቲ ኽወፅእ ድማ ይልምን።
142 1ብድምፀይ ናብ ኣቦይ እጠርዕ፤ ብድምፀይ ምሕረት ክረክብ እምህለሎ። a a v1 ማስኪል፥ ናይ ምስትንታን ናይ ትምህርቲ መዝሙር እዩ፦ ክዝመር ጥራሕ ዘይኮነስ፥ ክሕሰበሉ ዝግባእ መዝሙር እዩ። 2ጥርዓነይ ኣብ ቅድሚኡ ኣፍስስ፤ መከራይ ኣብ ቅድሚኡ እነግር። 3መንፈሰይ ኣብ ውሽጠይ እንትደክም፥ ንስኻ ኢኻ መንገደይ እትፈልጥ። ኣብታ ዝኸደላ መንገዲ፥ መፈንጠር ሓቢኦምለይ ኣለዉ። 4ናብ የማነይ ጠሚትካ ረአ፦ ዝፈልጠኒ ሰብ የለን፤ መዕቘቢ ኣይተረፈለይን፤ ብዛዕባ ህይወተይ ግዲ ዝገብር የለን። 5ናባኻ እጠርዕ፥ ኦ ኣቦይ፤ “ንስኻ መዕቘብየይ፥ ኣብ ምድሪ ህያዋን ግደይ ኢኻ” እብል ኣለኹ። 6ጥርዓነይ ስማዕ፥ ኣዝየ ተዋሪደ እየ እሞ። ካብቶም ዝሰጉኒ ኣናግፈኒ፥ ካባይ ይሕይሉ እዮም እሞ። 7ስምካ ምእንቲ ኸመስግን፥ ንነፍሰይ ካብ ቤት ማእሰርቲ ኣውፅአያ። ፃድቃን ኣብ ዙርያይ ክእከቡ እዮም፥ ንስኻ ፅቡቕ ስለ እትገብረለይ።
