Davidi azali kobelela uta kati na lilita
Nzembo ya mayele ya Davidi, tango azalaki kati na lilita. Libondeli.
Davidi azali kobondela na lilusu mpe alobi ete azali ye moko mpenza: natala na loboko na ngai ya mobali, moto moko te ayebi ngai, ekimelo moko te etikali, moto moko te akomitungisa soki nazali na bomoi. Abengi Tata na ye eteni na ye na mokili ya bato ya bomoi mpe asengi ete abimisama na boloko.
142 1Nabelelaka Tata na ngai na mongongo na ngai ; na mongongo na ngai nabondeli Ye ete amona ngai mawa. a a v1 Maskili ezali loyembo ya mayele — nzembo oyo esengeli kokanisama mingi, kaka koyembama te. 2Nasopi mitungisi na ngai liboso na Ye ; liboso na Ye nalobi mpasi na ngai. 3Tango molimo na ngai ezali kolemba kati na ngai, Yo nde oyebi nzela na ngai. Na nzela oyo nazali kotambola, babombi motambo mpo na ngai. 4Tala na loboko na ngai ya mobali mpe mona : moto moko te ayebi ngai ; esika ya kobombama ezali lisusu te mpo na ngai ; moto moko te azali kobanza bomoi na ngai. 5Nabelela Yo, Tata na ngai ; nalobi : « Yo ozali esika na ngai ya kobombama, libula na ngai na mokili ya bato ya bomoi. » 6Yoka kobelela na ngai, pamba te nakitisami mingi. Bikisa ngai na maboko ya bato oyo bazali kolanda ngai, pamba te bazali makasi koleka ngai. 7Bimisa molimo na ngai na boloko, mpo ete nakoka kopesa matondi na Kombo na Yo. Bato ya bosembo bakozinga ngai, pamba te okosalela ngai malamu mingi.
