Dhavidhi Akhuwa ali M'mphako
Nyimbo ya udziwisi ya Dhavidhi, pidakhala iye m'mphako. Phembero.
Dhavidhi asaphemba ali m'mphako mbalonga kuti ali yekha kwene-kwene: yang'ana kumadyo kwanga, nkhabe munthu anandidziwa, nkhabe mbuto yakuthawira yakusala, nkhabe munthu anasamalira peno ndinakhala maso. Asacemera Baba wace kuti ndi gawo yace m'dziko ya ale ali maso, mbaphemba kubuluswa m'kawoko.
142 1Na fala yanga ndisakhuwa kuna Baba wanga; na fala yanga ndisam'phemba ntsisi. a a v1 Maskili ndi nyimbo yakupfundzisa yakunyerezera—nyimbo yakuti isafunika kunyerezerwa, tayu basi kuimbwa. 2Ndisathukulula madandaulo anga pamaso pace; pamaso pace ndisalonga nyatwa zanga. 3Nzimu wanga unganeta mukati mwanga, Imwe ndimwe musadziwa njira yanga. N'njira mwandifamba iwo andibisira nsampha. 4Yang'anani kumadyo kwanga mbamuona—nkhabe munthu anandidziwa; nkhabe mbuto yakuthawira kwa ine; nkhabe munthu anasamalira umaso wanga. 5Ndisakhuwa kuna Imwe, Baba wanga; ndisalonga kuti: “Imwe ndimwe pakuthawira panga, mbali yanga m'dziko ya anthu a maso.” 6Bveserani kukhuwa kwanga, thangwi ndacepeswa kakamwe. Ndipulumuseni kuna ale anandilondola ine, thangwi iwo ndi amphambvu kakamwe kupita ine. 7Buluswani umaso wanga m'kaidi, toera ndipereke takhuta kuna dzina yanu. Anyakulungama anadzasonkhana cifupi na ine, thangwi Imwe munadzandicitira pyadidi kakamwe.
