Obar Euneguk, Pororyosyek Tugul
Agobo kandoindetap musik. Tyeniit ne po weeriigap Kora.
Waagaatap ityageet—bareetap eunek, tiisek, ak kuurenetap piik tugul, ma po Israel kityo. Kagowo parak Kwandanyo eng' ng'echerennyi, ak koyumjigei pounigap pororyosyek koek pororyet agenge kobooto piigap Abraham. Ineendet Laitoryatap ng'wony komugul.
47 1Obar euneguk, okweek piik tugul! Owaach Kwandanyo eng' kutit ne po poiboiyet! 2Amu iywei Kwandanyo Ne Toroor Miising', Laitoryat ne oo ne pou ng'wony komugul. 3Iming'ini piik ng'wony echeek, ak pororyosyek ng'wony keelyekyok. 4Kilewenech porotennyo, menateetap Jakobo ne chamei. a a v4 ‘Menateetap Jakobo’ ko emet ne ki kiyomisyei — poroteet ne ki rireei piigap Jakobo kosiir tuguuk tugul alak.
5Kagowo parak Kwandanyo eng' waagaat che po poiboiyet, Kwandanyo eng' cheetap iryageet. 6Otyenji Kwandanyo kalasunoik, olasu! Otyenji Laitoryanyo kalasunoik, olasu! 7Amu Kwandanyo ko Laitoryatap ng'wony komugul; otyenji kalasunoik eng' tyeni ne po kaguiyet. 8Pou Kwandanyo pororyosyek; tebee Kwandanyo ng'echerennyi ne tiliil. 9Koyumjigei pounigap pororyosyek kobooto piigap Kamuktaindetap Abraham. Amu po Kwandanyo long'onigap ng'wony; kagotororit miising'. b b v9 ‘Long'onik’ ko ng'olyoot ne po tyeniit ne boorunei kirwoogik ak laitorinik — icheek che kondoei ak che riibei pororyosyekwak.