Hemû Milet, Çepikan Lêxin
Ji serokê sazbendan re. Zebûreke kurên Qorah.
Qîrîneke tackirinê — çepik, borî, û hemû gel têne vexwendin, ne tenê Îsraêl. Bavê me bal textê xwe ve hilkişiyaye, û mîrên miletan wek gelekî bi gelê Îbrahîm re li hev dicivin. Ew Padîşahê hemû erdê ye.
47 1Hûn hemû gelno, çepikan lêxin! Bi qîrînên şahiyê ji Bavê me re biqîrin! 2Çimkî Bavê me yê Herî Bilind bi heybet e, Padîşahê mezin ê li ser hemû erdê ye. 3Ew gelan dixe bin me û miletan dixe bin lingên me. 4Wî mîrasa me ji me re bijart, serbilindiya Aqûbê ku ew jê hez dike. a a v4 “Serbilindiya Aqûb” tê wateya Welatê Sozdayî — ew mîrasa ku ji bo gelê Aqûb ji her tiştî bi qîmettir bû.
5Bavê me di nav qîrînên şahiyê de hilkişiyaye, Bavê me di nav dengê boriya ji qoçê beranî de. 6Ji Bavê me re pesnan bistrên, pesnan bistrên! Ji Padîşahê me re pesnan bistrên, pesnan bistrên! 7Çimkî Bavê me Padîşahê hemû erdê ye; bi zebûreke jêhatî pesnan bistrên. 8Bavê me li ser miletan padîşahiyê dike; Bavê me li ser textê xwe yê pîroz rûniştiye. 9Mîrên gelan wek gelê Xwedayê Îbrahîm li hev dicivin. Çimkî mertalên erdê yên Bavê me ne; ew pir bilind e. b b v9 “Mertal” peyveke helbestî ye ji bo serwer û padîşahan — ewên ku rêberiya gelên xwe dikin û wan diparêzin.
