Babylon Rive Celü Krakhu
Babylon rive celü keva kebako Israelmiko utho lila khüsü, kekrelamori uko küzü ketamiko ki celü udzüvekrü tsale dema. Uko Jerusalem rekra mo tato zisü reshu, mu Chele hihi Edom mu Babylon ce müzü sü mo kebao mhatho kümüzhie lü füne thi.
137 1Hako Zion rükrayi lize, Babylon rive celü, sülü hako bata die krata. 2Sülü süyoko yo hako ha lila khüsü. 3Kekrelamori sülü ha küzü ketamiko ha celü tsaleko dema, mu ha müthimünyi ketamiko kenü po ci, zisü, “Zion tsaleko dolü püh hatsü tsale thite!”
4Dipü bide sekemo ramolü hako ha Po tsale thiyi tata? 5I no, Jerusalem, rekramo lize, a valaco e pü mhathiyi rekramo te. 6A umü e a tha cetu lü ani te, I no rekra mo lize, I Jerusalem a kenü kerekrüthoo mesoyo thi mo lize.
7Ha Po, Edommiko ce rekra süte, Jerusalem retu ta sünha, uko posü, “Süo cele va te! Cele va te! Pü bodü metülü sü!” 8Babylon nupü, meka ketoo kürüzüo, no hako ce mha thi ketako bi, no ce zhokhro khasü keo thejo kepütho! 9No natsiko tazü die süko tsüroyo kügü va keo thejo kepütho! a a v9 Jisue mezi za kekra o cross lü züta, kecho thi die, "Apo, uko phrü süte" — mu pü thümako u ngomuko khrü ketola methasü. Tüzüh ketamiko u azho kethoo ha Po ce züta, süo pü thonhani müsü kra mhu süyi zo.
