Babilon Shumang ka Haapbü
Küksithang shuongei Babilon shumang shuong ka haoeneibü kongkin saükei, aishanga haoen langsenbü shuongei chem ka olinbü chia maangangkei. Haoenei Jerusalem adamentila dogo theyolanyokei, hoba welau kho Edom hoba Babilon khulimbo aohoubü janbüei lembei, kho touje ale.
137 1Babilon shumang shuong ka, künei Zion damenjinei, khüto künei setan haapbei. 2Willo bunyem ka khüto künei küneibü kongkin saükei. 3Aishanga khüto kün langsenbü shuongei kün ka chia hikei, hoba kün khonkutibou shuongei olinbü hikei, laukei, “Zion chia yoa che kün la lauashi!”
4Kükathanga kaodak ka künei seneibü Bou chia lai küman laula? 5O Jerusalem, ngei no maan apalonga, ngeibü mae ikei kümsilei maan aptishi. 6Ngei no adamenlonga, ngei Jerusalem kü olinbü yaangbü pendou thüka aphokulonga, ngeibü lishangei kü sembung thüka hatlepashi.
7Seneibü Abou, Jerusalem tuongbü chalou Edombü shuong khulimbo damenashi, haoenei laukei, “Leilutikushi! Leilutikushi! Khoeibü denshang sühko!” 8Babilon nouyangshou, mautila kibü no, aoei nyi kün to kümbü tegü no ka phoklamla, hao olinbou! 9Aoei kaibü nashou hanbü shuong leian laang ka shemtila, hao olinbou! a a v9 Jisuei matjem shanga welaubü kho langyang bu to sungbakei, welauko laukei, "Abou, haoen la shedbü apbushi" — hoba hao mütli shuong la haoeneibü dangbou shuong sanoula lenkei. Langsenbü shuongeibü ngühmaibü maangshatbü seneibü Bou jungto sungbada, hao ong khoei jongaila thükbou ki.
