Kulira M'mphepete mwa Mikulo ya Bhabhiloni
Anyakusamira m'mphepete mwa mikulo ya Bhabhiloni asaturika harpa zawo thangwi anyakuakwata asafuna nyimbo yakutsandzaya ya kumui. Asadumbira kuti nkhabe kudzayebwa Yerusalemu, pontho nyimbo isamala na ntemberero yakuwanga kakamwe kuna Edhomu na Bhabhiloni, yakuti iyo nkhabe kuicepesa.
137 1M'mphepete mwa mikulo ya Bhabhiloni, penepo takhala pantsi mbatilira, pidakumbuka ife Sioni. 2Pa miti penepo taturika harpa zathu. 3Thangwi penepo anyakutikwata akhatiphemba nyimbo, na anyakutitsukwalisa akhafuna kutsandzaya, mbalonga tenepa: “Tiimbireni nyimbo ibodzi ya Sioni!”
4Tinakwanisa tani kuimba nyimbo ya Baba wathu m'dziko yacilendo? 5Ndingakuyebwa, Yerusalemu, mwoko wanga wamadyo uyebwe luso yawo. 6Lirimi yanga mbikwatane padzulu pa mulomo wanga, ndingakhonda kukumbuka iwe, ndingakhonda kuikha Yerusalemu padzulu pa kutsandzaya kwanga konsene.
7Kumbukani, Baba wathu, pya anthu a ku Edhomu pa ntsiku idagwa Yerusalemu, kuti iwo alonga tenepa: “Pfudzani! Pfudzani! Mpaka pa maziko yace!” 8Mwana wankazi wa Bhabhiloni, iwe unafuna kufudzwa, wakukomerwa ndi ule anakubwezera iwe pidaticitira iwe! 9Wakukomerwa ndi ule anakwata anang'ono ako mbaamenya pa mwala! a a v9 Yezu akwatira kulira kwa kusaka ulungami pa ntanda, mbaphembera tenepa: “Baba, alekerereni” — mbapfundzisa anthu ace toera kufuna anyamalwa awo. Ukali wandimomwene wa anthu akhali ku ukapolo usaperekwa kuna Baba wathu, ule ekha anakwanisa kuutawira.
