David-e melü mütü de Niepoo chuo
David-e.
David-e pü Po ce meza to, pü cü nuhülü akela süta mu athi thepu shu süta de. Pü metsulü ba mha hihi: ha Po thi kerekrü pü tazo zori, Pue kerenu kütsümi lü ngoyo, vele kemeko kemeha ketako mecu lüno seyo. Pue pü kethüo yite pü thitsüküsü süto.
138 1I amelü mütülü no chuto; therü mhüjülü I n kechu tsale thito. 2I n kemesa kereshüce pheyo chietüto, mu n zace zapo thito, n jütsüjükho kekhrü mu n kemelü la; kekrelamori noe n za metü pi n jü thi kerekrü süta. 3I nce semeto küthalü, noe akela süta; noe athi thepu shu süta, a kürhühlü küku pü de.
4cejü kedeko mütüe no chuto, a Po, kekrelamori uko n talü jüko se süta. 5uko ha Po choko tsale thito, kekrelamori ha Po zapozale kekhao. 6ha Po thi kerekrü pü tazo zori, Pue kerenu kütsümi lü ngoyo; vele Pue kemeko kemeha ketako mecu lüno seyo.
7I lüzhe dolü chota zori, noe a kürhü presa; a ngomuko lüda ce noe n be shoyo, mu n püzaco bee a lakeyi süyo. 8ha Poe a yite pü mharhü thitsüküsü süto; a Po, n jütsüjükho kekhrü kechothe ba zoto. n be mhathoko khava hite.
