Zaburi 138

138 ¹ Nitakusifu kwa moyo wangu wote; mbele ya miungu nitakuimbia sifa zako. ² Nitasujudu kuelekea hekalu lako takatifu nami nitalishukuru jina lako kwa ajili ya upendo wako wa agano na uaminifu wako, kwa maana umelitukuza neno lako kuliko jina lako lote. ³ Siku ile nilipokuita, uliniitikia mimi; ulinitia ujasiri, kwa nguvu nafsini mwangu.

⁴ Wafalme wote wa dunia watakusifu, Baba yangu, kwa maana wameyasikia maneno ya kinywa chako. ⁵ Wataziimba njia za Baba yetu, kwa maana utukufu wa Baba yetu ni mkuu. ⁶ Ijapokuwa Baba yetu ametukuka, huwaangalia wanyenyekevu, bali huwafahamu wenye kiburi kwa mbali.

⁷ Nijapotembea katikati ya taabu, wewe hunihifadhi hai; unaunyoosha mkono wako dhidi ya ghadhabu ya adui zangu, na mkono wako wa kuume huniokoa. ⁸ Baba yetu atatimiza kusudi lake kwa ajili yangu; upendo wako wa agano, Baba yangu, wadumu milele. Usiiache kazi ya mikono yako.