Psalms 138

138 ¹ I go praise you with all my heart; for front of di gods I go sing praise give you. ² I go bow down face your holy temple and I go thank your name for your Covenant love and your faithfulness, because you don lift your word pass all your name. ³ For di day wey I call, you answer me; you make me bold, with strength for my soul.

⁴ All di kings wey dey for earth go praise you, my Papa, because dem don hear di words wey comot for your mouth. ⁵ Dem go sing about di ways of our Papa, because di glory of our Papa great well well. ⁶ Even as our Papa high well well, e dey look di people wey humble, but e dey know di proud ones from far.

⁷ Even as I dey waka for inside trouble, you dey keep my life; you stretch your hand against di anger of my enemies, and your right hand dey save me. ⁸ Our Papa go complete di purpose for me; your Covenant love, my Papa, dey last forever. No abandon di work wey your hand don do.