መዝሙር 138

138 ¹በፍጹም ልቤ አመሰግንሃለሁ፤ በአማልክት ፊት ምስጋናህን እዘምራለሁ። ²ወደ ቅዱስ መቅደስህ እሰግዳለሁ፤ ስለ ኪዳንህ ምሕረትና ስለ ታማኝነትህ ለስምህ ምስጋና አቀርባለሁ፤ ቃልህን ከስምህ ሁሉ በላይ ከፍ ከፍ አድርገሃልና። ³በጠራሁበት ቀን መለስህልኝ፤ አበረታኸኝ፣ በነፍሴም ብርታትን ሰጠኸኝ።

⁴አባቴ ሆይ፣ የምድር ነገሥታት ሁሉ ያመሰግኑሃል፤ የአፍህን ቃል ሰምተዋልና። ⁵የአባታችንን መንገድ ይዘምራሉ፤ የአባታችን ክብር ታላቅ ነውና። ⁶አባታችን የተከበረ ቢሆንም ትሑታንን ይመለከታል፤ ትዕቢተኞችን ግን ከሩቅ ያውቃቸዋል።

⁷በመከራ መካከል ብሄድም ሕይወቴን ትጠብቃለህ፤ በጠላቶቼ ቍጣ ላይ እጅህን ትዘረጋለህ፣ ቀኝ እጅህም ታድነኛለህ። ⁸አባታችን ለእኔ ያለውን ዐላማ ይፈጽማል፤ አባቴ ሆይ፣ የኪዳንህ ምሕረት ለዘላለም ይኖራል። የእጆችህን ሥራ አትተወው።