Hiak swak thang rwe
Chongdip

David om Sung Pum bina Swankanu

David om.

David na maan kounu lumik bi han tak thangnu khatle sung raangnu pi thangnu briakpina Bapa ding swanne. Zai bi dannu ga nwamnu khat: basaang la ong peida le, Maanna sung bangiamnu nun ding phaang nge, atiyeda phun liannu nun ding namlaa lana theiye. Ani Pa na maan lang toi thounu ding pi ring thou thang nge.

Bung 138.

Eina asung pum bina Nang ding swanne; ri nun maitwang bi Eina Nang ding swanga laa tone. Eina Naom bathiangnu kalum in khou in bakhup talune, khatle Nachonghen kathan om kriangnu khatle Naom balumsa zanu lang chungna Nameng ding swanka thanglune; balangbe Nangna Nachong ding Nameng bing chung bi pi basaang ka thang rwe. Eina kounu lumik bi, Nangna ating katake; Nangna ating sung raangga toluga, akatha bi kanatnu pi thang rwe.

Apa, talei ram krwang nun bingna Nang ding swanne, balangbe banina Namun om chong ga ngaisu rwe. Banina ani Pa om lampui lang bi laa tolune, balangbe ani Pa om lwat liannu ga lian tak nge. ani Pa basaang la ong peida, Maanna sung bangiamnu nun ding phaang nge, atiyeda Maanna phun liannu nun ding namlaa lana theiye.

Ei riangre lak pi se ong peida, Nangna akum ding pi ring thang nge; ating munanu nun om balung pwannu maitwang bi Nangna Nakut balaan swakluga, Nakut inchangna ating kan thang nge. ani Pa na ei lang Baom baningnu laang thanglune; Apa, Nachonghen kathan om kriangnu ga khwa seiga amme. Nakut om chwan ding bathan sat mako.